Congregatio de Causis Sanctorum 85

SANTANDERIENSIS et VALENTINA

Beatificatone seu Declarationis Martyrii Servorum Dei Pii Heredia et XVII So- ciorum atque Sociarum ex Ordinibus Cisterciensibus Strictioris Observantiae et Sancti Bernardi († 1936)

DECRETUM SUPER MARTYRIO

« Aquae multae non potuerunt extinguere caritatem » ( Ct 8, 7).

Horum Servorum Servarumque Dei eventus in illa antichristiani odii

violentissima eruptione in Hispanica re publica ante XX saeculi medietatem

excitata, quae ad summum venit in cruentam persecutionem, maxime in an-

nis belli civilis (1936-1939) accidere. Et quidem anno 1936 mortem obierunt.

Die 8 mensis Septembris illius anni monachi Cistercensis Strictioris

Observatione monasterii de Via Coeli, in Santanderiensi provincia, ex eo-

dem a seditiosorum Hibericorum Foederationis emissariis expulsi sunt. In

vincula conditi, postea dimissi sunt: aliqui in privatas domus diffugere, alii

in urbe Santanderiensi congregati, tres parvas constituentes communitates,

clam monasticam conversationem continuare conantes.

Calendis Decembris duo ipsorum coetus, alter ex fratribus conversis,

alter ex presbyteris atque monachis choro addictis, iterum comprehensi sunt.

Pater Pius Heredia, communitatis prior atque sodalium omnium vere spiri-

tualis pater, suorum nomen beneficiorum auctorum omnino pandere renuit.

Post indignas quaesitiones et vexationes in iudicio nocte diei secunda De-

cembris instructo ut religiosorum damnationis convenientiam simularent, sed

reapse in odium fidei, ad supplicium devenerunt. Religiosi illi in automatarium

currum coniecti sunt duos dirempti in coetus, nocte diei tertiae mensis Decembris

anno 1936 alter, alter subsequenti nocte. Nihil omnino deinde compertum est.

Supplicii consuetudo detentos vinctos erat in navicula ducere atque in

altas sinus aquas submergere. Eorum corpora inventa non sunt.

Hi sunt huiusmodi Christi testes fideles:

P. Pius Heredia Zubía, Larreae in Alavensi provincia anno 1875 natus,

presbyter;

P. Amidaeus García Rodríguez, in loco Villaviciosa de Perros in Legio-

nensi provincia anno 1906 natus, presbyter;

P. Valerianus Rodríguez García, in loco Villaviciosa de Perros in Legio-

nensi provincia anno 1906 natus, presbyter;