IANUEN. 87

Accedunt attestationes parochi Voltaggio, necnon Sestri Lei:ante, aliorumque plurimorum Canonicorum, Sacerdotum, Regularium aut Saecularium optimi nominis et diversissi- mae conditionis, qui omnes , unanimi ore et pro sua con- scientia , de visu et interventu, ut plurimum , declarant, testificantque Cappucinos intra fines respectivi loci, in usu fuisse et esse, nemine obstante, crucem propriam in publi- cis et in funeralibus processionibus elevandi.

Quia desideratur, in elencho depositionum, expressa de- claratio ipsius Curiae archiepiscopalis ianuensis , advertit Procurator, quod facile intelligitur quod Minister Provin- ciae Cappucinorum non potuerit, pro sua discretione, instan- tias porrigere praelaudatae Curiae, quae stante hodierna ver- tentia, huius illiusve partes sustinere videri non debet. Ceterum Cappucini, Curiam Ianuensem supplices adivere ad depositiones testium formaliter recipiendas et registrandas. Hinc, in praecitato elencho, Testes, ad numerum 34, iurati et interrogati, coram DD. P. Canevello Pro-Vicario ge- nerali et coram Cancellario Curiae, de iure consuetudinario, sive in Ianua, sive in Sestri, formaliter deposuerunt.

Pro ipsamet Sestri-Ponente civitate, advertit Procura- tor, quod praelaudatis Minister, ne exagitationem adversus Cappucinos exortam augere insimularetur , paucos tantum audiri testes opportunius et consultius existimavit ; qui de visu et interventu et exercitio iuris, de quo agitur in con- creto et debita forma deponunt.

Ex his ergo iuris ac facti momentis, indubium videtur Procuratori, quod Minoribus Cappucinis loci Sestri-Ponente, ob probatam iuxta iuratus et authenticas superiorum ac fratrum attestationes et in Sestri et in tota Provincia con- suetudinem, nunquam legitime interruptam, ius competit, tum in publicis, tum in funeralibus processionibus, servatis aliunde iuribus parochialibus, suam elevandi Crucem.

Hisce in utramque partem animadversis, propositum fuit diluendum