TRANEN. 87

ctionibus quibuscumque in propriis Ecclesiis, quibus praesunt ex nostra voluntate absque ulla capituli intromissione.

Deinde notat orator sententiam accessisse iudicialem ad Archiepiscopi mentem confirmandam, quam tamen senten- tiam a clero, tempore utili appellatione non impetitam, ipse Archiepiscopus postea pessumdedit contrariis editis de- cretis.

Circa quaestiones praeiudiciales notat in primis advo- catus, appellationem intra decem dies interponendam esse ab edita sententia, et cautum fuisse ut iudici, a quo appel- labatur libellus ab appellante daretur. « Dummodo infra tem- pus, quo licite provocatur, coram iudice, a quo appellasse volueras : vel si habere ipsius copiam nequivisti, in prae- sentia bonorum virorum, protestatione super hoc proposita, causas appellationis duxeris exprimendas » cap. Si iustus metus, ult. de appell. 28. Et Bonifacius VIII decessorum et romanorum iurisconsultorum vestigiis inhaerens, ut litteras, quas apostolos nuncupare solemus, intra trigesimum ab ap- pellatione diem, a iudice peteret, appellanti praecepit, ea lege : ut si forte non peteret, appellatio pro infecta habe- retur : « ab eo qui appellat infra triginta dies instanter apo- stoli peti debent, et eidem intra dictum tempus a iudice ex- hiberi : alias praesumitur appellationi suae renunciare ap- pellans, si eos infra idem tempus petere praetermittat, etiam si vadat aut mittat ad appellationem huiusmodi prosequen- dam » cap. 6, de app. in VI.

Quare arguit haec omnia posthabita fuisse ab adversa- riis, qui post biennium ad appellationem confugerunt. Quia vero Archiepiscopus hodie fatetur, hos appellationem verbis tempore utili interposuisse, reponit patronus nudum Ar- chiepiscopi testimonium, qui litigatorem privatim appel- lantem se audisse testatur, legitimae appellationis locum supplere non posse quia haec, nisi fìat e vestigio, dum sen- tentia coram iudici recitatur, scriptura necessario facienda est. « Appellatio a sententia definitiva potest fieri dupli- citer ; primo quidem incontinenti, sive, ut alii loquuntur