88. De sancta Ursnla.

In 1. Vesperis.

Super Psalmos.

A. Lauda Deum, clara Colonia,

Qui te magna dotavit gloria

Dans undena virginum milia,

Quae cum Ursula, regis filia,

Tibi transmisit de Britannia,

Quarum agis digne solemnia.

Ad Magnificat.

A. Psalle gaudens, Agrippina,

Sacrosanctis virginibus

In te morte repentina

Caesis undenis milibus

Ab Hunnorum peregrina

Gente telis et ensibus;

Laureatae stola bina

Jam gaudent In coelestibus,

Nos praeservent a ruina

Suis sacratis precibus.

Ad Matutinum.

Invitatorium.

Undenis millibus

In te, Colonia,

Passis virginibus

Pange praecouia.

In 1. Nocturno,

Antiphonae.

1. Juste coelit Colonia

Sanctarum festum virginum,

Quae sibi pro custodia

Donatae sunt per Dominum.

2. Cbristo canamus gloriam

Pro sanctis virginibus

Transmissis In Coloniam

Sub undenis milibus.

3. Iste coetus Inclitus

Virginali gloria

Collectus est coelitus

Per undena milia.

Respousovia.

1. Stirpe clara refulgens Ursula,

Vultu pulchra, Christi discipula,

Fide pollens evasit singula

Mundi pericula ;

V. Haec flos spectabilis

Fuit In moribus,

Prudens et humilis

Vacans coelestibus.

2. Rex Anglorum claraepropaginis,

Potens, ferox et magni nominis

Patrem hujus pulsavit virginis

Votis diutinis,

V. Ut haec suo jungatur filio

Solemni misso ad eum nuntio.

8. Patri suo suadet Ursula

Per data coelitus oracula,

Jussa regis compleri singula;

Jubet baec virgo voce sedula,

V. Si relicta sponsus perfidia

Perfundatur baptismi gratia.

In 2. Nocturno.

Antiphonae.

1. Haec puellarum milia

Rubent colore roseo,

Sed splendent sicut lilia

Simul candore niveo.

2. Hi sunt flores venustatis,

Quos spirantis gratiae

Ver et aestas cantatis

Produxerunt hodie.

3. Istis ornatum floribus

Summi regis palatium

Gratum fraglans odoribus

Sanctis auget solatium.

Responsoria.

1. Pater tristis spondet conjugium,

Sponsus credit In Dei filium,

Sic a cunctis fit magnum gau-

dium,

Virginis expletur Imperium

V. Missis quidem undenis navibus

Cum totidem virginum milibus.

2. Dato tornatus spatio

Mox virgines conveniunt

Dignaeque coeli praemio

Terram suam despiciunt,

V. Coram cunctis Intrantes maria

Signa ludi praetendunt varia.

3. Vento flante tunc lenius

Ad portum Tilae veniunt,

Vela vertentes crebrius

Coloniam respiciunt,

V. Mox ut causa viae peragitur,

Papa gaudens Illis conjungitur.

In 3. Nocturno.

Antiphonae.

1. Sponsi currit In odorem

Virginum sodalitas,

Quam attraxit ex amore

Praegustata suavitas.

2. Accedunt piis mentibus

Oleum sumpserunt,

Sponso cum prudentibus

Obviam venerunt.

3. Istae regi gloriae

Carae margaritae

Conjunctae sunt hodie

Per Hunnos contritae.

Responsoria.

1. Repetentes partes Coloniae

Sub Hunnorum caeduntur rabie,

Sic gaudentes ad thronum

gloriae

Coronatae conscendunt hodie;

V. Post virginum martyrium

Hostes terrentur nimium.

2. Hinc ab urbe fugatis hostibus

Et pace restituta civibus

Harum ossa sunt a fidelibus

Sepulta cumbymms et cantibus ;

V. Per quas nobis post hoc ex-

silium,

Jesu bone, da verum gaudium.

3. O sanctarum milia

Virginum undena,

Pro coelesti gloria

Caesa mortis poena,

Juvetis ad gaudia

Coeli nos amoena,

Quae jam cum laetitia

Possidetis plena;

V. Nam In choro virginum

Collaudatis Dominum

Agni facta cena.

Ad Laudes.

Antiphonae.

1. Adest dies laetitiae,

Qua beatis virginibus

Datur corona gloriae

Caesis undenis milibus.

2. Digne gaudent homines,

Angeli laetantur,

Dum victrices virgines

Coelo coronatur.

3. Omnes hae Coloniae

Virgines collectae

Sunt ab Hunnis hodie

Simul interfectae.

4. Haec undena milia

Virginum necata

Sunt ad coeli gaudium

Per Christum translata.

5. Gaudent In choro virginum

Virgines beatae

Semper laudantes Dominum

Sanctis aggregatae.

Ad Benedictus.

A. Crebris Deum pulsemus pre-

cibus,

Ut nos jungat sanctis virginibus,

Quas hac die coelorum civibus

Sub undenis conjunxit milibus.

In 2. Vesperis.

Ad Magnificat.

A. O sancta Colonia,

Gaude Deo grata,

Per undena virginum

Milia dotata,

Quae pro Christi gloria

Sunt In te prostrata,

Pro quarum victoria

Sit nobis propitia

Deitas beata.