Acta Apostolicae Sedis - Commentarium Officiale248

me ingravescere coepit, ita ut die 25 mensis Aprilis, eodem anno, crus ei

amputandum esset; pro quo deinde prothesis subiecta est, qua nempe nixa

puella deambulare valeret.

Ea quidem spiritus maturitate, quae illius aetati esset insolita, parvula

infirma acerrimas medicationes subiit, cuncta propter Iesu amorem ferens:

nam in ea, divina gratia opitulante, cognitio de salvifico doloris momento

magis in dies informabatur.

Postquam autem e valetudinario dimissa est, puella sua communia nego-

tia, lusum, familiaritates, studium resumpsit, dum eius ingenium iucundita-

te, simplicitate, magnanimitate, moderatione denique et aequitate significa-

tur. Hisce vero temporibus, quas postea sua ipsa manu exaratura erat, matri

dictare coepit litterulas ad Iesum, ad Sacrosanctam Trinitatem, ad Beatissi-

mam Mariam Virginem, in quibus, praeter sententias quasdam, Iesu Passione

plerumque excitatas, sincera vita interior, aequo fidentique animo divinae

voluntati concredita, animadvertitur. Die 10 mensis Octobris ludum littera-

rum frequentare coepit. Nocte autem Nativitatis primum ad cenam Domini-

cam admissa est; postmodum vero, die 15 mensis Maii, anno 1937, sacro

chrismate rite obsignata est.

Attamen tunc primum labores inceperant: nam ipsa gravius in dies ae-

grotare coepit, cum corpus debilitaretur gravi cibi fastidio, peripneumonia,

cystis inflammatione, sarcomate denique, quod iam in phasi provecta versa-

batur. Ingravescentibus autem cruciatibus, qui etiam ex acribus curationibus

aliisque sectionibus oriebantur, omni tempore parva infirma recti exempli

fuit, ita ut, quicumque eam visitabant, iidem eius animi lenitatem et con-

stantiam valde admirarentur.

Simpliciter atque scienter Antoniola viam crucis percurrit eademque, cum

Iesu et ad Eius similitudinem, dummodo peccatores ad bonam frugem revo-

carentur, magno animo semetipsam Deo obtulit, adeo ut peteret ne preces

pro sua sanatione mitterentur. Sic enim puella, dum sese praecoci pietate

conspicuam esse demonstrat, arcanam actionem divinae gratiae pro viribus

adiuvit, quam quidem Dominus abscondit a sapientibus et prudentibus huius

mundi, ut revelet parvulis.20

Tandem innocens anima, Iesu amore capta, Romae die 3 mensis anno

1937, dum nomen Dei et parentum invocabat, requievit. Ita suavissima rosa

in ara caeli collocabatur.

20 Cfr Mt 11, 25.