Acta Apostolicae Sedis - Commentarium Officiale432

retur, Serva Dei Romam traducta est, ubi tandem die 26 mensis Decembris,

anno 1958, angelorum viatico refecta, benedictione a Summa Moderatrice

petita, obdormivit in Domino.

Emicat Soror Tarsilla a Crucifixo ut mulier summae fidei ac pietatis,

divino numini prorsus oboediens, mitis ac fortis, in Augustissimo Sacramento

adorando fervens; ut exemplar denique, tam eiusmodi erga alios benevolen-

tiae, quae evangelii sectatores decet, quam verae paupertatis; postremo, ut

exemplum spei ac fortitudinis, praesertim cum ipsa morbum passa est. Nec

aliter caritatem exercuit, cum in Deum, eius animae Sponsum, tum in pro-

ximum, cuius gratia eadem comitatem et indulgentiam, prudentiam et pu-

dorem, constantiam seseque devovendi studium effundebat. Comes oboedien-

tiae humilitas in ea, quippe quae latebram diligeret nec umquam se osten-

taret, nec vero umquam laudem captaret voluit, quin immo omnia in laudem

Dei conduxit.

Statim post Ancillae Dei obitum sanctimoniae fama, qua ipsa vivens

circumdata erat, adeo increbruit, ut, post Nihil Obstat die 14 mensis Iulii,

anno 1987, ex parte Sanctae Sedis obtentum, die 6 mensis Octobris, eodem

anno 1987, Inquisitio iniretur, quae die 2 mensis Decembris, anno 1988,

confecta est. Cuius iuridicam vim Congregatio de Causis Sanctorum ratam

habuit per Decretum die 14 mensis Iunii, anno 1991, latum. Positione con-

fecta, apud idem Dicasterium disceptatum est num Dei Ancilla virtutes,

eaque heroicum in modum, exercuisset. Die vero 27 mensis Octobris, anno

2006, Congressus Peculiaris Consultorum Theologorum, felici quidem cum

exitu, habitus est. Amplissimus denique Purpuratorum Patrum et Antisti-

tum coetus, in Sessionibus Ordinariis, quae die 4 mensis Martii, vertenti anno

2008, gestae sunt, audita relatione Exc.mi D.ni Hieronymi Grillo, Episcopi

emeriti Centumcellarum-Tarquiniensis, Causae Ponentis, agnoverunt Tarsil-

lam a Crucifixo, Dei Famulam, theologales et cardinales iisque adnexas vir-

tutes heroicum in modum exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum

in Deum tum in proximum, necnon de cardinalibus Prudentia, Iustitia,