Acta Apostolicae Sedis - Commentarium Officiale768

« per occursum veramque testificationem adulti, per amicos positivam vim

praebentes atque per magnum communitatis ecclesialis comitatum ».324

98. Inter Scripturae testimonium, ut Dei Verbum de se testatur, et vitae

credentium testimonium artum adest vinculum. Una alteram implicat et ad

eam ducit. Christiana testificatio Verbum communicat, quod Scripturae

testantur. Scripturae vicissim testificationem patefaciunt, quam christiani

suam per vitam reddere debent. Ii, qui credibiles Evangelii testes conveniunt,

efficacitatem Dei Verbi, in iis qui id recipiunt, sic experiuntur.

Hoc circulari in motu inter testificationem et Verbum Summi Pontificis

Pauli VI sententias in Adhortatione apostolica Evangelii nuntiandi intellegi-

mus. Nostra responsalitas non suggerit mundo tantummodo bona participa-

ta; oportet ut manifesto Dei Verbum nuntietur. Sic tantum Christi mandato

erimus fideles: « Quamobrem, Bonus Nuntius, per vitae testificationem pro-

clamatus, serius ocius annuntiandus erit etiam per vitae verbum. Nulla est

vera evangelizatio, nisi nomen et doctrina, vita et promissiones, Regnum et

mysterium Iesu Nazareni, Filii Dei, praedicantur ».325

Quod Dei Verbum nuntiandum propriae vitae testificationem postulat

hoc in christiana conscientia inde ab origine prorsus praesens est. Christus

ipse fidelis et verus est testis (cfr. Apc 1, 5; 3, 14), testis Veritatis (cfr. Io

18, 37). Hac de re innumeras testificationes communicare volumus, quas,

gratia suffragante, synodali Coetu procedente, audivimus. Ob narrationem

illorum qui fidem servaverunt et claram Evangelii reddiderunt testificatio-

nem penitus permoti sumus, etiam sub regiminis dominatione religionem

christianam aversantis vel in persecutionum condicionibus.

Haec omnia formidinem nobis inicere non debent. Discipulis suis ipse

Iesus dixit: « Non est servus maior domino suo. Si me persecuti sunt, et vos

persequentur » (Io 15, 20). Itaque laudis hymnum cuncta cum Ecclesia

propter tot fratrum sororumque testificationes Deo elevare volumus, qui

hoc nostro quoque tempore vitam impenderunt ut amoris Dei veritatem

communicarent, in Christo cruci affixo et resuscitato nobis revelati.

Praeterea mentem totius Ecclesiae gratam christianis patefacimus, qui

impedimentis atque propter Evangelium persecutionibus non cesserunt.

Eodem tempore magno solidalique animi affectu fideles communitatum

illarum christianarum complectimur, earum potissimum in Asia et in

324 Nuntius conclusivus, IV, 12. 325 Paulus VI, Adhort. ap. Evangelii nuntiandi (8 Decembris 1975): AAS 68 (1976), 22.