798 Acta Apostolicae Sedis - Commentarium Officiale

ACTA CONGREGATIONUM

CONGREGATIO DE CULTU DIVINO ET DISCIPLINA SACRAMENTORUM

Decretum de celebrationae Sanctae Mariae Magdalenae in Calendario Romano Generali inscribenda gradu festi.

Resurrectionis dominicae primam testem et evangelistam, Sanctam Ma-

riam Magdalenam, semper Ecclesia sive Occidentalis sive Orientalis, summa

cum reverentia consideravit, etsi diversimode coluit.

Nostris vero temporibus cum Ecclesia vocata sit ad impensius consulendum

de mulieris dignitate, de nova Evangelizatione ac de amplitudine mysterii

divinae misericordiae bonum visum est ut etiam exemplum Sanctae Mariae

Magdalenae aptius fidelibus proponatur. Haec enim mulier agnita ut dilectrix

Christi et a Christo plurimum dilecta, « testis divinae misericordiae » a Sanc-

to Gregorio Magno, et « apostolorum apostola » a Sancto Thoma de Aquino

appellata, a christifidelibus huius temporis deprehendi potest ut paradigma

ministerii mulierum in Ecclesia.

Ideo Summus Pontifex Franciscus statuit celebrationem Sanctae Mariae

Magdalenae Calendario Romano generali posthac inscribendam esse gradu

festi loco memoriae, sicut nunc habetur.

Novus celebrationis gradus nullam secumfert variationem circa diem, quo

ipsa celebratio peragenda est, quoad textus sive Missalis sive Liturgiae Ho-

rarum adhibendos, videlicet:

a) dies celebrationis Sanctae Mariae Magdalenae dicatus idem manet,

prout in Calendario Romano invenitur, nempe 22 Iulii;

b) textus in Missa et Officio Divino adhibendi, iidem manent, qui in Mis-

sali et in Liturgia Horarum statuto die inveniuntur, addita tamen in

Missali Praefatione propria, huic decreto adnexa. Curae autem erit

Coetuum Episcoporum textum Praefationis vertere in linguam ver-

naculam, ita ut, praevia Apostolicae Sedis recognitione adhiberi va-