86. In Assumptione BMV.
Ad Nonam.

1. O stella maris fulgida,
Lucis perennis janua
Et porta regis inclita,
Coeli secreta serena.

2. Tu, virgo sancta virginum,
Inter piorum numerum
Te venerantes undique
Omnes potenter aggrega.

Gloria tibi Domine.

S7. In Assumptione BMV.

Ad Processionem.

1. Salve, festa dies, toto venerabilis aevo,
Qua fuit assumpta virgo Maria pia.

2. Stella Maria maris coeli super astra levaris,
Assistens nato, virgo beata, tuo.

3. Hac regina die coelos conscendis et arce
Sublimi resides sceptraque jure tenes.

4. Hinc exaltaris, Kyria, chaire, jubilaris

Et pia laudaris coetibus angelicis.
5. Tu Libani cedrus, Moysi rubus, integra nardus

Et Aaron virga, tu Jerichoajie rosa.
6. Inclita stirps Jesse, felici climata messe

Orbis tu reficis virgo Deumque paris.
7. Coelitus inquit ave paranymphus missus ab arce

Intulit atque tibi missus ab arce poli:
8. Sacris visceribus descendet spiritus almus,

Concipies natum, sed paritura Deum.
9. Mater eris virgo, nova res, nova gaudia mundo,

Concipies utero, qui Deus est et homo.
10. Nunc exaltata, supra sanctos honorata,

Nobilis et grata, sis precor atque pia.
11. Cordis tu scelera compurgans, virgo docora,

Coelica des decora, virgo salutifera.