Praefatio.

1. O Maria, virgo pia,
Te devote postulo,
Ne moreris, sed digneris
Nunc adesse famulo.

2. Me dignare te laudare
Psalmorum carminibus,
Ut compungi et coniungi
Caeli possim civibus.

3. Meam mentem iam foetentem
Et oppressam viliter
Purga prece omni faece,
Subleva hilariter.

4. Intellectum et affectum
Lustra tuo iubare,
Ut te amem et honorem
Dulci cordis nectare.

5. Praestet pater atque natus
Cum aeterno pneumate,
Ut te semper ac libenter
Puro laudem neumate.