Sermo VI .

Item, sermo fratris Bonaventurae in Nativitate Domini, editas in domo Fratrum Parisius, coram Universitate.

Gratia sicut paradisus in benedictionibus, Ecclesiastici quadragesimo .

In verbis his describitur Christi nova et gratiosa per carnem nativitas, primo, ut summe amabilis; secundo, ut summe delectabilis; tertio, ut summe venerabilis; amabilis enim, quia gratia per antonomasiam, secundum Apostolum ad Titum secundo : Apparuit gratia; delectabilis, quia paradis us uber; venerabilis, quia in benedictionibus multiformibus mundo salutaribus.

Notandum circa haec omnia, quod Christus in sua nativitate gratiosa et benedictionibus Dei plena et per totam vitam dicitur paradisus voluptatis, manu Dei in mundo et pro mundo plantatus, propter duodecim nobiles conditiones, quas habuit, correspondentes duodecim proprietatibus paradisi terrestris.

Est locus maximae sublimitatis; nam secundum Damascenum , " est celsior penitus omni terra ", ita quod dicit magister in Historia , quod " aquae diluvii illuc non pervenerunt ", et beatus M....... praedicabat: " proximus caelo; longo enim terrae et maris contractu est a nostro habitabili segregatus ". Secundum etiam Bedam et Isidorum et Magistrum, " lunarem tangit circulum ", id est, attingit usque ad aetherem quietum post istum aerem turbulentum, ubi est finis exhalationum et vaporum humidorum. Sic Christus natus hodie maximae fuit sublimitatis tum propter dignitatem carnis, quae de altitudine humanae naturae assumta fuit, tum quia anima eius omnem dignitatem transcendit, tum quia ille homo praedestinatus fuit Filius Dei in virtute ratione unionis inseparabilis et inexplicabilis; Ezechielis trigesimo primo: Cedri non fuerunt altiores illo in paradiso Dei.

(Est locus) maximae puritatis, quia ibi nulla est turbulentia aeris vel exhalatio terrae vel fumus vel aliquid eiusmodi, secundum Bedam . Sic Christus natus maximae fuit puritatis; nam nullam habuit peccati turbulentiam aut maculam modicam aut magnam a conceptu usque ad mortem; Ezechielis trigesimo primo: Omne lignum paradisi Dei non est assimilatum illi et pulcritudini eius.

Maximae claritatis; nam ibi est plenitudo lucis et luminis de nocte et de die suo modo, quia nulla nubes opponitur, secundum Damascenum et Bedam . Sic Christus natus maximae fuit claritatis, qui a conceptu plenus luce sapientiae aeternae fuit; Ezechielis vigesimo octavo : Tu signaculum simi litudinis , plenus sapientia et perfectus decore in deliciis paradisi Dei fuisti.

Maximae temperiei, quia ibi nec frigus nec aestus unquam, sed omni tempore una temperies gratiosa aeris Sic Christus a nativitate per totam vitam fuit maximae temperiei; quia modum et pacem et ordinem in omnibus conservavit; Genesis tertio: Deambulantis in paradiso ad auram post meridiem.

Maximae amoenitatis sive iucunditatis et recreationis, quia ibi fontium irrigantium multitudo, ibi floridae plantae et arbores semper fructum ferentes, ibi tam arborum et florum et frondium rosarum et liliorum immarcescibilis viror et odor, secundum Damascenum . Sic Christus natus

. fuit maximae amoenitatis et iucunditatis et virtutum et gratiarum plenitudinis; quia, in quantum est homo, pulcritudinem et laetitiam paradisi semper a conceptu percepit et ipsius odorem non perdidit et in eo semper delectatus fuit; Genesis decimo tertio: Vidit omne m circa regionem Iordanis, quae universa ir rigabatur sicut paradisus Domini etc.

Maximae suavitatis, quia ibi fructuum omnium dulcedo, omne lignum pulcrum visu et ad vescendum suave; ibi cantus avium et obedientia, quando vocantur, secundum quod praedicabat beatus M.....; ibi etiam Angelorum melodica organa sonant, secundum quod dicebat beatus M....... Sic Christus natus sibi et aliis maximae fuit suavitatis, quia a sapore caelesti nunquam cessavit tam nascendo quam orando, conversando, praedicando et moriendo, immo ipsa suavitas animarum et Angelorum fuit et ipsius Matris; Genesis secundo : Fluvius egrediebatur de locovoluptati s ad irrigandum paradisum.

Maximae sanctitatis; nam ibi semper Deus laudatur ab Angelis, ab Henoch et Elia et suo modo a celeris omnibus creaturis. Sic Christus natus per totam vitam maximae fuit sanctitatis,, quia in sancta vita et laude paterna et aedificatione fraterna semper perseveravit; Ecclesiastici quadragesimo: Timor Domini sicut paradisus benedictionis.

Maximae securitatis; nam " nulli spiritui malo vel carni peccatrici patet eius aditus ", secundum Isidorum, libro decimo quarto Etymologiarum. Sic Christus a sua nativitate fuit maximae securitatis, quia nulli vitio vel defectui vel tentationi diaboli vel carnis vel mundi aditum dedit; Ezechielis trigesimo primo : Aemulata sunt eum omnia ligna voluptatis, quae erant in para disoDei.

Maximae incorruptibilitatis; nam ibi sunt usque hodie Henoch et Elias incorrupti et vivi, et nihil, quod est ibi vivens, potest mori; nec mirum, quia in Hibernia etiam est insula una, in qua mortuorum corpora non putrescunt, et alia, in qua homines non possunt mori (I). Sic Christus natus usque ad mortem inviolatus permansit et nihil mortuum, sed totum vivens et meritorium in eo fuit; Canticorum quarto: Hortus conclusus, fons signatus, emissiones tuae paradisus malorum punicorum cum po morum fructibus. Maximae tranquillitatis, quia ibi nulla invidia, nulla malitia, nulla pugna, contentio, clamor vel violentia, nulla relatio turbativa, sed plena pax animae et corporis; ibi sunt omnia quietata et mansuefacta quantum ad bestias, sicut fuerunt in arca Noe. Sic Christus natus usque ad mortem omnes motus habuit pacatos omnino tam mentis quam corporis, tam quo in Deum quam in se et in proximum; Genesis secundo : Tulit ergo Deus hominem et posuit eum in paradiso voluptatis, id est, constituit in statu tranquillitatis.

Angelicae administrationis; nam ibi est ministerium et " Angelorum praesidium arcendis spiritibus malis ", secundum Isidorum . Sic Christus natus per totam vitam habuit multitudinem Angelorum ad ministerium et confortationem et reverentiam; Genesis tertio: Collocavit Deus ante paradisum voluptatis Cherubim et flammeum gladium atque versatilem ad custodiendam viam ligni vitae.

Deiformium virorum conversationis; nam sunt ibi viri duo sancti, qui ad similitudinem Angelorum degunt in terris, omnia honeste et secundum ordinem caeli agentes, de Deo et de divinis meditantes, orantes et conferentes Sic Christus natus per totam vitam familiarem conversationem habuit cum electis vel eligibilibus Dei, et vita sua tota fuit ad similitudinem caeli empyrei; Genesis secundo: Plantaverat autem Dominus Deus paradisum voluptatis a principio, id est, decrevit plantandum, inquo, concepto Christo scilicet, posuit hominem, quem formaverat , id est, humanam naturam salvandam constituit ad eius exemplum et speculum.