Acta Benedicti Pp. XVI 433

Temperantia et Fortitudine, iisque adnexis, in gradu heroico, Servae Dei Tarsil-

lae a Crucifı̀xo (in saec.: Annae Osti), Religiosae professae Congregationis

Missionariarum a SS. Cordibus Iesu et Mariae, in casu et ad effectum de quo

agitur.

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis

GRANATEN.

Beatificationis et canonizationis Servi Dei Leopoldi ab Alpandeire (in saec.: Fran-

cisci Thomae Márquez Sánchez) Laici professi O.F.M. Cap. (1864-1956)

DECRETUM SUPER VIRTUTIBUS

«Domine, scrutatus es et cognovisti me: tu cognovisti sessionem meam et

resurrectionem meam, intellexisti cogitationes meas de longe » (Ps 139, 1-2).

Antiqui psalmistae verbis, quae inventio misericordis Dei praesentiae in

uniuscuiusque hominis adiunctis admirato cum stupore proclamant, vita

Servi Dei Leopoldi de Alpandeire, in saeculo Francisci Thomae Sánchez Már-

quez, singulariter consonat.

In vico Alpandeire apud Malacam in Hispania die 24 mensis Iunii anno

1864 Servus Dei, ex humilibus laboriosisque parentibus, natus est et die 29

eiusdem mensis Iunii baptismum iam recepit. Intus in familia adeptus est

primam puerilem institutionem culturalem ac religiosam. Iam inde a primae-

va aetate parentibus suis in asperis operibus ruris adsedit, quae vero in

indolem eius efformandam fortem rerumque peritam, silentii ac sobrietatis

amantissimam, necnon hilarem, benignam et omnibus familiarem valuerunt.