Acta Benedicti Pp. XVI 769

Africa exsistentium, qui hoc tempore christianam ob fidem periculum vitae

vel a societate depulsionis adeunt. Videmus hic spiritum beatitudinum

Evangelii effici iis qui persecutionem propter Iesum Christum patiuntur

(cfr. Mt 5, 11). Non intermittimus pariter quominus vocem Nostram attol-

lamus, ut Nationum regimina omnibus conscientiae religionisque libertatem

provideant, etiam publice propriam fidem testificantibus.326

Dei verbum et in mundo munus

Iesu inservire in « fratribus minimis » (Mt 25, 40)

99. Divinum Verbum humanam exstistentiam collustrat atque con-

scientias ad propriam vitam penitus rursusque considerandam concitat,

quandoquidem universa humanitatis historia Dei iudicio subest: « Cum autem

venerit Filius hominis in gloria sua, et omnes angeli cum eo, tunc sedebit

super thronum gloriae suae. Et congregabuntur ante eum omnes gentes »

(Mt 25, 31-32). Nostra aetate momenti transeuntis praestantiam saepe ac

leviter consideramus, perinde ac si nullum pondus in futurum haberet. At

contra, Evangelium nobis memorat singula nostrae vitae momenta magni

esse ponderis eaque impense experienda, cum sciamus omnes de propria vita

rationem reddere debere. Evangelii secundum Matthaeum in capite XXV Filius

hominis factum aut non factum sibi considerat quod fecerimus vel non fece-

rimus uni de eius « fratribus minimis » (25, 40.45): « Esurivi enim, et dedistis

mihi manducare; sitivi, et dedistis mihi bibere; hospes eram, et collegistis me;

nudus, et operuistis me; infirmus, et visitastis me; in carcere eram, et venistis

ad me » (25, 35-36). Itaque ipsum Dei Verbum nostri in mundo officii nostrae-

que coram Christo, historiae Domino, responsalitatis necessitatem sibi vindi-

cat. In Evangelio nuntiando mutuo nos cohortemur, ut bonum et pro iustitia,

reconciliatione paceque officium agamus.

Verbum Dei et pro iustitia in societate officium

100. Dei Verbum ad necessitudines impellit hominem, quae probitate et

iustitia imbuantur, pretiosum coram Deo bonum omnium hominis laborum

testatur, quo iustior habitabilior exstet terrarum orbis.327 Ipsum Dei Verbum

326 Cfr. Conc. Oecum. Vat. II, Decl. de libertate religiosa Dignitatis humanae, 2. 7. 327 Cfr. Propositio 39.