Acta Congregationum 519

ACTA CONGREGATIONUM

CONGREGATIO DE CAUSIS SANCTORUM

BARCINONENSIS

Beatificationis seu Declarationis Martyrii Servorum Dei Friderici a Berga (in

saeculo: Martí Tarrés Puigpelat) Sacerdotis Professi Ordinis Fratrum Minorum

Capuccinorum et XXV Sociorum († 1936)

DECRETUM SUPER MARTYRIO

« Id enim, quod in praesenti est, leve tribulationis nostrae supra modum

in sublimitatem aeternum gloriae pondus operatur nobis, non contemplan-

tibus nobis, quae videntur, sed quae non videntur; quae enim videntur,

temporalia sunt, quae autem non videntur, aeterna sunt » (2 Cor 4, 17-18).

Martyres haud ignari de tribulationibus quibus occurrebant, per suam

conversationem confirmant coram occisoribus se totam vitam pro Christo

deponere atque suis ipsis carnificibus misericordiam concedere.

Servus Dei Fridericus a Berga (in saec.: Martínus Tarrés Puigpelat) et XXV

socii in martyrio testimonium dilectionis Christi usque ad sanguinis effusionem

perhibuerunt, qui nunc in Ecclesia et coram universo orbe gloria refulgent aeterna.

Ante medium vicesimum saeculum, quo in Hispania adversus Ecclesiam

erupit insectatio, innumeri religiosi et religiosae prius e conventibus sunt

expulsi ac postea augescente saevitia sunt interempti.

Diebus 14-16 mensis Iulii anno 1936 Fratres Minores Capuccini Pro-

vinciae Cataloniae apud Conventum Sanctae Annae de Sarrià, Barcinone,

in Capitulo erant congregati. Tunc diebus 19-24 mensis Iulii illis fratribus

iniunctum est ut communitatem relinquerent et in domibus privatis sese

absconderent, ad ferociam fugiendam quae tunc temporis in veram pro-

priamque persecutionem vertebatur.

Inter dies 20 et 24 mensis Iulii anno 1936, novem conventus Provinciae

exsistentes relicti, vastati et igne sunt consumpti. Triginta sex fratres mor-