87. De sancto Leonhardo.

In 1. Vesperis.
Super Psalmos.

A. Adest dies laetitiae,
In quo soluta hodie
Ab ergastulo carnis
Anima confessoris,
Sancti viri Leonhardi,
Qui virtutem habet nardi
Et ut sidus aureum
Decoravit saeculum.

Ad Magnificat.

A. Leonharde, pater sancte,
Cum sis dignitatis tantae

Ante thronum iudicis,
Ut salvare possis omnem,
Te, pie [pater], orantem,

Ora pro nobis miseris.

Ad Matutinum.
Invitatorium.

Festo pacis et honoris
Leonhardi confessoris
Laudesque Deo dando
Venite iubilando.

In 1. Nocturno.
Antiphonae.

1. Pro tuo sancto nomine
ln lege tua, Domine,
Meditari voluit,
Quem frequenter coluit.

2. Constitutus sum ab eo,
Christo, salvatore meo,

Praeceptum eius praedicans,
Viam salutis nuntians.

3. Tu, Deus, mea gloria,
Laudabilis memoria,
Caput meum exaltasti
Et honore coronasti.

Responsoria.

1. Pastor bone, praeco Christi,
Tua prece meruisti
Per Dei mirabilia
Reginam cum filia
A morte suscitare,
Captivos liberare;
Vitiorum a catena,
Simul a daemonis habena
Nos libera piissime,
Precamur devotissime;
V. Verbi Dei praedicator,
Leonharde, pacis sator,
Captivorum liberator.
2. Mandatum praedo spernit tri-
num
Vincto negans parcere,
Leonhardus peregrinum

Sanctus trahit de carcere;
Quosdam necat morte dura

Turris ruens media,
Hospiti frangendo crura
Horroris dedit taedia;
V. Hic perseverat offendendo
Vinctum cum tenaculis,
Hunc solvit sanctus ostendendo
Signa cum miraculis.
3. Cum sancti Leonhardi servus
Pergeret negotians,

Praedo rapit hunc protervus

Summam auri postulans,
Torquetur gravi poena
Sub maxima catena;
V. Servus sanctum invocat,
Mox sanctus vincla dissipat,
Illaesum templo collocat.

In 2. Nocturno.

Antiphonae.

1. Et scitote,
Quoniam devote
Sanctum suum mirificat
Dominus et glorificat.

2. In te est glorificatus
Leonhardus, vir beatus,
Nomen tuum qui dilexit,
Terrenam gloriam despexit.

3. Nomen tuum laudabile
In sanctis admirabile,
Tua magnificentia,
Virtus, omnipotentia,
Super caelos elevata
Sit per aevum collaudata.

Responsoria.
1. Mundum vincendo,

spernendo sum leo fortis.
Nardus inungendo,

curando vulnera mortis,
V. Sum leo vincendo,

nardus meritis redolendo.
2. O sacerdos in aeternum
Melchisedech per ritum,
Leonharde, qui supernum

Conscendisti situm,
Assistentes tuae laudi,
Caeli satrapa, nos audi,
V. Ut eruamur tua prece,

Precamur, ab aeterna nece.
3. Benedic, Domine,
In sancto tuo nomine
Populum praesentem,
Veniam petentem
Per merita sanctissimi
Leonhardi,

Ut a malo liberentur,
In adversis consolentur,
Voce cordis, simul oris
Te collaudent cunctis horis
Haec humilis plebecula
Per infinita saecula.
V. Conserva te timentes,
Laudes tibi canentes
A cunctis horroribus
Pusillos cum maioribus.

In 3. Nocturno.
Antiphonae.

1. Sanctus fulgens miraculis
Habitabit, Domine,
In tuis tabernaculis
In sancto tuo nomine.

2. In virtute tua, Christe,
Laetabitur iustus iste
Et super salutare tuum
Confirmavit votum suum.

3. Dei montem hic ascendit,
Loco sancti qui comprendit,
Stabat quia in hoc mundo,
Deo vixit corde mundo.

Responsoria.

1. O Leonharde, vas electum,

Lampas lucens saeculo,
Iter ad superna rectum

Trinitatis speculo
Contemplando didicisti,
Sic pugnando meruisti
Fore convivalis Christi;
V. In vita solitaria

Corpus afflixisti,
Incommoda per varia

Christo servivisti.
2. Fit concursus hominum,

Miracula clarebant,
Grandia per Dominum

Prodigia lucebant,
Catenas, loras, vincula

Multi appendebant;
Artum locum ampliare

Monachi quaerebant,

V. Tellus nive tegitur,

Sed pars novae structurae
Nive munda legitur
Miraculorum inre.
3. Petram Moyses percussit,
Dedit aquas populo,
Deum rogans hic excussit
Torrentem sicco puteo,
V. Res admiranda claruit,
Fons, qui prius aruit,
Aquis plenus apparuit.

In Laudibus.
Antiphonae.

1. Hic sanctus post maerorem
Induit decorem,
Contra mundum luctavit,
Sic mundum superavit.
2. Iubilans in laetitia
Domino servivit,
Gaudia multiplicia
Laetus introivit.
3. Adhaesit anima
mea post te,
Et tu, Domine,
suscepisti me.

4. Dei nomen benedixit

Hic sacerdos, quando vixit,
Regnum meruit supernum,
In quo gaudet in aeternum.

5. Exsultabit in gloria
Gaudiis laudabilibus,
In aeterna memoria
Laetabitur in cubilibus.

Ad Benedictus.

A. Benedictus Emanuel,
Dominus Deus Israel,
Damnationem abiecit,
Nam visitavit et fecit
Salutem populi sui
Prece sancti Leonhardi.

In 2. Vesperis.

Ad Magnificat.

A. Exsultet omnis spiritus
In Leonhardi laudibus,
Cuias beatum spiritum
Ad supernum collegium
Iam evexisti, conditor,
Qui clemens nobis, quaesumus,
Sit adiutor propitius.

A la Pro tuo sancto no-

mine etc. oder:

1 b. Secus decursus aquarum
Plantavit radices fidei,
In quibus redolet ut nardus
Confessor almus Leonhardus.

A 5 ibid.:

A timore inimici

Sanctus pater est ereptus,
Dum in exitu felici

Regnum caeli est adeptus.

In 3. Noct. Ad Cant. A in D:
O Leonharde mirifice,
Qui soles cunctos solvere
A ferreis compedibus,
Nos solve tuis precibus
A peccatorum vinculis
Et a cunctis periculis.

R 4 in D:

R O pater et pastor, o mitis et unice rector,
O Leonharde bone, specialis et alme patrone,
Audi placatus nostros cum laude precatus,

V. Ut pius hoc humile semper tuearis ovile.

D; vgl. das vorige Offic.

2. Plorem mundi periturum
Despexit tam aridum,
Ut floreret in aeternum
Leonhardus ante Deum,
V. Pennas sumens ut columbae
Recessit gaudens requie.

vgl. a. a. O. und weitere drei Responsorien:

1. Sanctus iste tuo, Christe,
Firmatus munimine

Domum, fines et affines
Mentis contempsit culmine,
V. Ut Abraham egressus est,

Quo monstrasti, ingressus est.
2. Quanta fulget Leonhardus gloria

In hoc mundo caelique curia,

Sanitatum probat frequentia,
V. Lepram mundat, fugat daemonia,

Aegris eius subvenit gratia.
3. Leonhardus, vas solidum,

Vas auro adornatum

Omni lapide pretioso,

Vinum vitae propinans populo
V. Stola se cinxit gloriae

In virtutum perpetratione.

In 2. Vesp. Ad Magn. A lautet in B:

B: Te rogamus, serve Dei,
Leonharde, sanctae spei,
Caritatis et fidei

Possessor et pincernula,
Solve vincla peccatorum,
Resera cippos delictorum,
O solamen afflictorum,

Devote Christi vernula.