Acta Apostolicae Sedis - Commentarium Officiale250

CONGREGATIO PRO EPISCOPIS

SANCTAE MARIAE ANGELORUM

De Nominis Vulgaris Mutatione

DECRETUM

Multum conferre potest ad pastoralem curam aptius exercendam varieta-

tis compositionis populi Dei necnon psychologicorum, geographicorum histo-

ricorumque personarum locorumve adiunctorum rationem habere.

Idcirco Exc.mus P. D. Petrus Philippus Bacarreza Rodrı́guez, Episcopus

Sanctae Mariae Angelorum, preces enixe porrexit ut praesenti Sanctae Ma-

riae Angelorum dioecesis appellationi nomen vulgare eiusdem aequatum sit.

Congregatio pro Episcopis, praehabito favorabili voto Exc.mi P. D. Iose-

phi Pinto, Archiepiscopi titulo Anglonensi et in Chilia Apostolici Nuntii,

vigore specialium facultatum sibi a Summo Pontifice, Benedicto, divina Pro-

videntia PP. XVI tributarum, porrectis precibus annuendum censuit.

Eadem Congregatio, praesenti Decreto, perinde valituro ac si Apostolicae

sub plumbo Litterae datae forent, decernit ut, in posterum, illius dioecesis

eiusque Praesulis Ordinarii loci titulus vulgaris ac denominatio « Santa Marı́a

de Los Ángeles » sit.

Ad haec perficienda Congregatio pro Episcopis deputat memoratum Exc.-

mum Apostolicum Nuntium vel, ipso a sede absente, negotiorum Sanctae

Sedis in Chilia gestorem, necessarias et opportunas eisdem tribuens facultates

etiam subdelegandi, ad effectum de quo agitur, quemlibet virum in ecclesias-

tica dignitate constitutum, onere imposito ad eandem Congregationem, cum

primum fas erit, authenticum exemplar actus peractae exsecutionis remit-

tendi.

Datum Romae, ex Aedibus Congregationis pro Episcopis, die 21 mensis

Februarii anno 2009.

e Ioannes Baptista card. Re Praefectus

e Franciscus Monterisi a SecretisL. e S.

In Congr. pro Episcopis tab., n. 1118/2008