Acta Apostolicae Sedis - Commentarium Officiale770

iniusta sine ambagibus denuntiat atque solidarietatem aequalitatemque

promovet.328 Domini verborum sub lumine « signa temporum » agnoscamus,

quae in historia adsunt, ne munus deseramus in eos qui dolent et egoismum

patiuntur. Synodus memoravit officium pro iustitia et mundi immutatione

funditus ad evangelizationem pertinere. Quemadmodum asseverabat Ponti-

fex Maximus Paulus VI, oportet « Evangelii potentia tangere et quasi ever-

tere normas iudicandi, bona quae plus momenti habent, studia et rationes

cogitandi, motus impulsores et vitae exemplaria generis humani, quae cum

Dei verbo salutisque consilio repugnant ».329

Ad hunc finem Patres synodales peculiarem cogitationem in eos conver-

terunt, qui in politica socialique provincia operantur. Evangelizatio et pro-

pagatio Verbi Dei eorum operam in mundo ducere debent ad verum bonum

omnium inquirendum, cuiusque personae dignitate servata et promota.

Certe haud directe spectat ad Ecclesiam iustiorem societatem constituere,

licet ipsa ius officiumque habeat ethicas moralesque res iudicandi, quae ad

personarum populorumque bonum attinent. Est potissimum munus fidelium

laicorum, Evangelii schola informatorum, de sociali politicaque opera directe

agere. Hac de causa Synodus secundum principia doctrinae socialis Ecclesiae

congruam institutionem promovendam suadet.330

101. Exoptamus praeterea in mentem omnium revocare momentum

iura cuiusque personae humana defendendi et promovendi, quae in lege na-

turali, in hominis cordis insculpta, innituntur, quae « ut generalia et inviola-

bilia sunt, ita mancipari nullo modo possunt ».331 Ecclesia percupit ut per talia

confirmata iura humana dignitas efficacius agnoscatur et universaliter pro-

moveatur,332 tamquam nota quam Deus Creator sua in creatura insculpsit,

quam Iesus Christus suam per incarnationem, mortem et resurrectionem

assumpsit et redemit. Hac de causa Dei Verbum diffusum facere non potest

quin affirmationem et observantiam horum iurium roboret.333

328 Cfr. Benedictus XVI, Nuntius de Die mundiali Pacis 2009 (8 Decembris 2008): Insegna-

menti IV, 2 (2008), 792-802. 329 Adhort. ap. Evangelii nuntiandi (8 Decembris 1975), 19: AAS 68 (1976), 18. 330 Cfr. Propositio 39. 331 Ioannnes XXIII, Litt. enc. Pacem in terris (11 Aprilis 1963), I: AAS 55 (1963), 259. 332 Cfr. Ioannnes Paulus II, Litt. enc. Centesimus annus (1 Maii 1991), 47: AAS 83 (1991),

851-852; Id., Allocutio ad Nationum Unitarum Legatos (2 Octobris 1979), 13: AAS 71 (1979),

1152-1153. 333 Cfr. Compendio della dottrina sociale della Chiesa, 152-159.