520 Acta Apostolicae Sedis - Commentarium Officiale

tem subierunt, e quibus viginti sex, qui in hoc decreto recensentur, inter dies

28 mensis Iunii anno 1936 et 24 mensis Februarii anno 1937 trucidati sunt.

Ceteri religiosi eiusdem Provinciae, quamvis eiusdem condicionis participes,

in alias Causas sunt relati.

In omnibus Servis Dei lucide testimonium splendet in modo se gerendi

quatenus ad mores et ad fidem, quoniam, quantum in refugiis poterant, vitam

orationis servabant et propter fidem promptos ad mortem se praebebant. Ipso

comprehensionis momento denuntiarunt identitatem et religiosum statum, us- que parati ad vitam offerendam quin Christum negarent. Et ita Dei voluntati

obsequentes per viam crucis ex toto corde Agno sine macula se sociarunt.

En nomina eorum qui hoc candidum martyrum agmen constituunt:

P. Fridericus a Berga (Martínus Tarrés Puigpelat) in loco Berga (Bar- cinone) natus est die 7 mensis Octobris anno 1877. Temporariam emisit professionem anno 1897 et perpetuam die 25 mensis Novembris anno 1900. Ad sacrum presbyteratus ordinem evectus est die 24 mensis Iunii anno 1901. Prae quadam detractione comprehensus est ob ultionem quae secuta est coniectum pyrobolorum in urbem Barcinonem mense Februario anno 1937. Declaratus sacerdos, repressus est et occisus in via Arrabal nocte dierum 16-17 mensis Februarii anno 1937. Exuviae eius in publico tumulo coemeterii loci Montjuic sunt sepultae.

P. Modestus a Mieres (Ioannes Bover Teixidò) in oppido Mieres, Gerun- dae, ortus est die 8 mensis Iunii anno 1876. Perpetua vota nuncupavit die 28 mensis Iunii anno 1902. Sacerdotio auctus est die 20 mensis Iulii anno 1902. Post alacrem sui sacerdotii testificationem detentus et necatus est die 28 mensis Iulii anno 1936.

P. Zacharias a Llorenç del Penedés (Sebastianus Sonet Romeu) ortum habuit in loco Llorenç del Penedés, Tarracone, die 4 mensis Iunii anno 1884. Perpetuam fecit professionem die 2 mensis Augusti anno 1903. In Columbia

die 31 mensis Martii anno 1907 ad sacerdotium est evectus. Coactus ad

opus exercendum qua coquus quodam in deversorio, die 25 mensis Augusti

anno 1936 interemptus est.

P. Remigius a Papiol (Stephanus Santacana Armengol) in hanc vitam venit die 20 mensis Septembris anno 1885 in oppido Papiol, Barcinone. Vota

perpetua nuncupavit die 4 mensis Octobris anno 1905. Sacro presbyteratus

ordine insignitus est die 5 mensis Iunii anno 1909. Martyrii palmam adeptus est die 24 mensis Ianuarii anno 1937 apud coemeterium loci Cardanyola

del Vallés, Barcinone.