90. De sancto Ammone.

1. Arcum coeli praefulgidum
Inter nebulas gloriae,
Die Ammonem, praenitidu
Lumen hujus ecelesiae.

2. Hic Mansueto praesuli
Succesit in officio,
Quem in secreto tumuli
Digno clauserat studio.

3. Praedecessoris gloriam
Praesuccessor non minuit,
Sed sectando justitiam
Devote Deum coluit.

4. Hic coercet a gregibus
Lupum rapacem strenue,
Sacris orationibus
Deo vacans assidue.

5. Pastor suavi pabulo
Gregem pascebat jugiter,
Dum praedicabat populo
Verbum Dei fideliter.

6. Ortam labem haereticam
Exclusit a Tullensibus
Atque fidem catholicam
Reforinavit in omnibus.

7. Dum adest sancti transitus
Lapso vitae curriculo,
Ad votum est reconditus
In Mansueti tumulo.
8. Dehinc alumnum gratiae
Praesul Hermannus transtulit
Ac matrici ecclesiae
Hunc venerandum contulit.
9. Felicis vitae terminum
Commendant beneficia
Data filiis hominum
Per ipsius suffragia.

10. Sanant leprae contagia
Sancti merita praesulis
Ac febrium incendia,
Dum pulsatur a populis,

11. Caecis visum restituit
Corda curans et corpora,
Se benignum exhibuit
Cunctis per longa tempora.

12. Hunc reges cum principibus
Coluerunt mirifice,
Magis locum muneribus
Ditantes honorifice.

13. Patri, nato, paraclito
Decus, honor, imperium
Ammonis sancti merito
Nobis accrescat gaudium.