88. De sancto Livino.

In 1. Vesp eris.
Antiphonae.

1. Laudate, pueri, puerum,
Quem salvator fecit herum
Hic et super sidera.

2. Laudate Dominum, omnes gen-
tes,
Martyris qui sui parentes
Invisit gratia.

3. Lauda, anima quaevis, Chris-
tum,
Martyrem qui elegit istum
Sibi in servitium,
Nobis in subsidium.

4. Laudate Deum, quia bonus,
Noster pater et patronus,
Livinus ab infantia
Hunc coluit frequentia.

5. Lauda, Ierusalem, cum laetitia,
Quia Christus sua sapientia
Dempta carnis inertia
Livinum tulit de scoria.

Ad Magnificat.

A. Laetentur filii ecclesiae,
Inter flores martyrum
Beati Livini
Exsultantes celebritate,
Qui adeptus, quam meruit,
Palmam victoriae

Nobis, petimus, apud Deum
Subveniat pia intercessione.

Ad Matutinum.

Invitatorium.

Personis trinum,

simpla deitate sed unum
Laudemus regem,

Livinum glorificantem,
Qui testem tantum

elegit sanguine dignum.

In 1. Nocturno.

Antiphonae.

1. Floruit egregiis

infans Livinus in actis,
Scotia quem genuit,
patronum Gallia sentit.

2. Qui dum viscerea

matris membratur in aula,
Nondum natus homo
dignatur amore superno.

3. Spiritus in specie

rumpens nocturna columbae
Lacteolis guttis

ter lustrat basia matris.

Responsoria.

1. Electus Christi
martyr Livinus

Ex utero matris

a Deo praeelectus
Regalem, qua

pollebat, libertatem
Ad regis aeterni
transtulit servitium.
V. Intendens summis

animum puerilibus annis.
2. Inter proceres regni
sanctus martyr
Famulatum

exsequens Dei
Per sacrae iustitiae
observationem
V. Gloriosam meruit

virtutum operationem.
3. Venerandae indolis
Puer condolens torqueri
Vexatos miserabiliter
Oravit et exoravit
Liberari mirabiliter
V. Expansis in caelum manibus
Et lacrimabiliter
Surrectis luminibus.

In 2. Nocturno.
Antiphonae.
1. Ortu pusioli

laetantur cuncta Livini
Nec laetis hominum
dissentit gratia rerum.
2. Tempore baptismi

proceres cum principe regni
Fonte levant puerum,

nec defit ab aethere signum.
3. Dextra superveniens

adest puerum benedicens,
O quam felices

tanti prolis genitores.

Responsoria.
1. Compatiens nutrici

clementia adulescentis,
Ingredienti

viam universae carnis,

Dum adest,

ubi iacet conclamata,
Iam euntem revocat

ab inferis ad superna.
V. Inter deflentes

appellans iudicis aures
Perfusus lacrimis

dum transit caelica votis.
2. Fidelis Christi servus

angelo praeeunte
Deductus quasi florem

cum gramine
Camporum

inmersis pedibus
Supergreditur

mare procellosum.
V. Quo transit sanctus

tanto ductore Livinus,
Unda iacet, non aura nocet,

liquor invius haeret.
3. Sacerdos

Dei Livinus,
Pontificali cathedra

sublimatus,
Dum susciperet

sanctam benedictionem,
Intonat ad

eius probationem:
V. ''Ecce, sacerdos magnus, qui
in diebus suis placuit Beo
et inventus est iustus.''

In 3. Nocturno.

Antiphonae.
1. Sanctus Livinus

populari laude remotus
Terrea vota fugit

et celsa palatia spernit.
2. Inter deserta

loca cunctis invia silvae
Silvestris victus

teneros depascitur artus.
3. Turbavit regni

faciem discessio sancti,
Rex accersitum

monet, orat degere secum.

Responsoria.

1. Ingrediens sanctus domum

paralysi laborantis
Nullum praeter linguam

movere membra valentis
Surge, ait, homo et

aquam mibi porrige lasso.
V. Surrexit sanus, nescientis
Meritum praevenit virtus.
2. Gemma Dei,

martyr Livine,
Flos caelestis,

lux patriae,
Liberator magnificus,

pereuntium servorum
Offer laudes intra summae

pietatis sacrarium,
V. Qui super mare pedes
Cucurristi,

Et naufragio pereuntium.
3. O summae virtutis auctorem,
Incisam servi linguam
Officio restituentem,
Et videntes igne caelesti
Subito consumentem!
Sancte, martyr, averte saevam
Tanti iudicis iram ultricem;
V. Iam tortores

[urit] ignis gehennae,
Et te coronatum

delectat gloria vitae.

In Laudibus.
Antiphonae.

1. Sollicitum curis

Livinum religiosis

Angelus haerentem

solatur et ire nolentem.

2. Vade, ait, Anglorum et

manet insula glorificandum
Te per eum regem,

cui servis, cuncta regentem.

3. Ecce, tui ductor

sum missus nec veniator,
Non percuncteris,

per Christum nam gradieris.

4. Anima iusti

ab angelis suscepta
Videntibus, qui aderant,

in caelum est delata;
Mors sanctorum

o quam pretiosa.

5. Concurrunt fideles quoque,
Inter quos Graphildis
Cum Briccio, in fonte
Quem sanctus martyr
Suscepit de sancto fonte.

Ad Benedictus.

A. Pretiosus athleta

Domini Livinus
Matre seorsum, sed filio

secum posito
In loco sepulcri

hodie tripudiat
Feliciter in caelestibus,

cum quibus
Laudat Deum et dicit:

Benedictus Deus Israel.