Congregatio de Causis Sanctorum 435

daeque spiritualitatis iugiter dispensabant et vacuas reddebant aures corda-

que aperiebant omnium, qui in eum incurrerent. Dolores et sollicitudines

omnium in animo suo excipiebat, praesertim caritatem illam erga pauperes

atque egenos excitans, quam iam iuventutem eius denotaverat.

In tacito consuetudinum vitae suae cursu Servus Dei imagini Iesu Christi

crucifixi plenius in dies adhaesit.

Dum ad colligendas stipes more solito iter faciebat, Frater Leopoldus,

iamiam provectae aetatis, e scalis alicuius domus communis delapsus, frac-

turam femoris reportavit, quae per triennium eum immobilem reddidit. Ad-

fectionibus pulmonum aliisque molestiis abdominis laborans, die 9 mensis

Februarii anno 1956 pie in Domino quievit. Turba magna ad exsequias con-

currit, iam tum famae eius sanctitatis in populo testimonium praebens.

Ob celebratam eius sanctitatis famam Archiepiscopus Granatensis a die

26 mensis Iunii anno 1961 ad diem 3 mensis Iulii anno 1976 Causam beati-

ficationis et canonizationis inivit per celebrationem Processus Ordinarii In-

formativi dioecesani et a die 7 mensis Maii anno 1983 ad diem 9 mensis Iunii

anno 1984 Processus Cognitionalis, quorum auctoritas et vis iuridica a Con-

gregatione de Causis Sanctorum Decreto diei 25 mensis Novembris anno 1988

probatae sunt. Positione confecta, die 20 mensis Martii anno 2007, prospero

exitu, in Congressu Peculiari Consultorum Theologorum disceptatum est,

iuxta consuetudinem, an Servus Dei more heroum virtutes christianas exer-

cuisset. Patres Cardinales et Episcopi in Sessione Ordinaria diei 18 mensis

Decembris anno 2007, audita relatione Excellentissimi Domini Andreae Ma-

riae Erba, Episcopi emeriti Veliterni-Signini, Causae Ponentis, professi sunt

Servum Dei Leopoldum de Alpandeire virtutes theologales, cardinales iisque

adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Leopoldi ab

Alpandeire (in saec.: Francisci Thomae Márquez Sánchez), Laici Professi Or-

dinis Fratrum Minorum Capuccinorum, in casu et ad effectum de quo agitur.