Acta Benedicti Pp. XVI 771

Dei Verbi nuntius, inter gentes reconciliatio et pax

102. Multiplices inter provincias officiorum, Synodus vehementer suasit

ut reconciliatio et pax promoverentur. In rerum hodie adiunctis oportet

quam maxime Dei Verbum iterum detegatur tamquam reconciliationis

pacisque fons, quoniam in eo Deus sibi omnia reconciliat (cfr. 2 Cor 5,

18-20; Eph 1, 10): Christus « est pax nostra » (Eph 2, 14), qui separationis

parietes solvit. Tot in Synodo testificationes graves cruentasque contentiones

praesentes nostro in mundo ostenderunt. Interdum hae concertationes inter

religiones dimicationis speciem prae se ferre videntur. Iterum iterumque

confirmare volumus religionem minime umquam intolerantiam vel bella

excusare posse. Vim adhibere non possumus in Dei nomine! 334 Quaeque

religio ad rationem recte utendam necnon ad ethica bona provehenda, quae

civilem convictum efficiunt, perferre debet.

Reconciliationis operae fideles, quam Deus in Christo Iesu, cruci affixo et

resuscitato, complevit, catholici atque omnes bonae voluntatis homines

exemplis reconciliationis praebendis operam dent, ut iusta pacificaque

societas aedificetur.335 Numquam oblivisci debemus ibi, « ubi humana verba

inefficacia evadunt, quandoquidem funestus violentiae armorumque rumor

praevalet, propheticam Dei Verbi vim non deficere atque nobis repetere

pacem fieri posse, et nos reconciliationis pacisque instrumenta esse debere ».336

Dei Verbum et operosa caritas

103. Iustitiae, reconciliationis pacisque studium suam postremam radi-

cem suamque consummationem in amore reperit in Christo nobis revelato.

Testificationes auscultantes quae in Synodo exstiterunt, attentiores facti

sumus de vinculo quod inter Verbum Dei amabiliter audiendum et liberalem

in fratres famulatum intercedit; omnes credentes necessitatem animadver-

tant « in amoris actus verbum auscultatum convertendi, quoniam sic tantum-

modo Evangelii nuntius fit credibilis, praeter infirmitates quibus personae

signantur ».337 Iesus pertransivit in hoc mundo benefaciendo (cfr. Act 10, 38).

Prompto quidem animo Dei Verbum in Ecclesia dum auscultatur, excitantur

334 Cfr. Benedictus XVI, Nuntius de XL Die mundiali Pacis 2007 (8 Decembris 2006), 10:

Insegnamenti IV, 2 (2006), 780. 335 Cfr. Propositio 8. 336 Benedictus XVI, Homilia (25 Ianuarii 2009): Insegnamenti V, 1 (2009), 141. 337 Id., Homilia in conclusione XII Coetus Generalis Ordinarii Synodi Episcoporum (26 Octo-

bris 2008): AAS 100 (2008), 779.