Congregatio de Causis Sanctorum 89

CZESTOCHOVIENSIS-SOSNOVENSIS

Beatificationis et Canonizationis Servae Dei Mariae Teresiae a Sancto Ioseph (in

saeculo: Ioannae Kierocinska) Fundatricis Congregationis Sororum Carmelitarum

Infantis Iesu (1885-1946)

DECRETUM SUPER VIRTUTIBUS

« Domine, quis habitabit in tabernacolo tuo? Quis requiescet in monte

sancto tuo? Qui ingreditur sine macula et operatur iustitiam, qui loquitur

veritatem in corde suo » ( Ps 15, 1-2).

Antiquui psalmistae Israelis invocatio resonat tota in vita et in spiri-

tualitate Servae Dei Mariae Teresiae a Sancto Ioseph (in saec.: Ioannae

Kierocinska) quae, in itinere vitae et praecipue in aerumnarum tempore,

amoris, iustitiae veritatisque credibilis fuit testis.

Serva Dei die 14 mensis Iunii anno 1885 e familia multorum filiorum sed

bene de rebus domesticis constituta, iuxta oppidum v. d. Wielun in terri-

torio Poloniae, tunc sub dictione Russiae, nata est. Post ludum litterarum,

studia humanitatis apud scholam privatam persecuta est sed in humana

et christiana disciplina perstudiose a parentibus est instituta. Iuventute

consilium et desiderium vitae religiosae adsequendi in animo volvit, quod

autem a patre negabatur. Tamen itinere spirituali haud defecit et domi igitur

fidem curavit. Opera caritatis intra domestica moenia exercebat, pauperibus

subveniebat aegrotosque ac moribundos visitabat.

Moderante Patre Anselmo a Sancto Andrea Corsini OCD, impensiorem

orationis vitam iniit, paenitentiam summopere agebat atque evangelica pau-

pertate et cordis puritate eminuit. Sequentibus annis Ioannina, sicut comiter

nuncupabatur, etsi in arte acu pingendi et postea in docendis infantibus

versabatur, numquam sui propositi oblita est, immo hoc confirmavit, Tertio

Ordini Carmelitarum Discalceatarum adhaerens et vitam suam conferens ad

orationem et ad ministerium erga proximum, praesertim in acerbis Primi

Orbis Terrarum Belli casibus.

Post patris obitum, in monasterium ingredi potuit. Moderator autem

spiritualis eidem proposuit, ut prima Superiorissa nascentis Congregationis

ab ipso fundatae fieret, quod Ioannina accepit uti divinam voluntatem. Die

31 mensis Decembris anno 1921 Sosnoviensi in urbe incepit iter Sororum