92.

De sancto Virgilio.

In 1. Vesperis.
Antiplionae.
1. Beati Virgilii

festa celebremus,
Toto corde filii

patrem collaudemus.
2. Hic est pastor populi
et gregis amator,
Hic regis perpetui
prudens dispensator.
3. Hic ara et hostia,

sacerdos et templum,
Factus Dei gratia
omnis boni exemplum.
4. Gustavit et vidit,

quod dulcis es, Domine.
Et virtutes multas fecit
hic In tuo nomine.
5. Digne gaudent homines,
angelus laetatur,
Dum beatus pontifex
coelo coronatur.

Ad Magnificat.
A. O felix Juvavia,

Quam dulci praesentia,
Quam suavi memoria
Tanti patris ornaris!
Vere juste tu laetaris,
Quae thesauro super aurum
Nobili ditaris.

Ad Matutinum.
Imitatorium.
Vigilemus coram Deo

in saeculorum saccula,
Qui beato Virgilio

contulit coelestia.

In 1. Nocturno.
Antiphonae.

1. Lux sole serenior
in terris apparuit,
Dum virtutum incrementis
vir beatus claruit.
2. Praedicavit et implevit
Domini praeceptum,
Germinavit mox et crevit
In virum perfectum.

3. Oculos et manus gemens
in coelum levavit,
Jungi Christo cupiens,
quem semper amavit.

Responsoria.
1. Ut sub bonore Dei
procedant festa diei,
Dignaque laus detur,

qua Christus honorificetur,
Nostri vita chori
de toto consonet ori,
V. Nescia finiri,

cui fax nova cepit oriri.

2. Jam superis junctus,

jam prae consortibus unctus
Migrat translatus

de culmine pontificatus
Ad superos cives

factus de paupere dives,
V. De gremio matris

translatus ad atria patris.

3. Doctoris officio
Functus In principio

Moribus bonestis,
Post haec apostolicis
Decoratus Infulis
Modo regni titulis

Fruitur coelestis;
V. Qui a pueritia
Justus vicit vitia
Sola pudicitia,

Multiplex est testis.

In 2. Nocturno,

Antiphonae.

1. O Virgili, vita tua
norma disciplinae,
Et mors tua portus mortis,
porta quoque vitae.

2. Multos Deo congregavit
suo bono odore,
Ideo eum coronavit
gloria et honore.

3. Sponsam sibi assignatam
caste custodivit
Et pecuniam collatam
cum lucro remisit.

Responsoria.

1. Hic vir magnificus,

humilis, pius atque pudicus,
Quo duce Martha Liae,

Rachel est sociata Mariae:
Martha laborando

fuit atque Maria vacando,
V, Ne premat ecclesiam

regnum, ne Martha Mariam.

2. Mellifluo flore

qui blasma vincit odore,
Alternando chori

succensi cordis amore
Concentu memori

digno modulentur honore;
V. Gratia dat rorem

flori, dat Hibernia florem.

3. Splendida stella poli,

pater inclite, spernere noli
Nos tibi devotos

et ab omni crimine lotos
Tecum sorte pari

fac nos super astra levari;
V. Maxime pastorum,

spes, portus et aura tuorum.

In 3. Nocturno.
Antiphonae.

1. O vere candens lilium,
confessor praeclare,
Tu cleri praesidium,
jubar salutare.
2. Felix locus, In quo tale
servatur depositum,
Sed est tuum, Jesu bone,
pro nobis est creditum.

3. Omnes ad vas gratiae
devote accedite,
Languidos adducite,
sanatos reducite.

Responsoria.

1. Luciferi splendens

radius super aethera tendens,
Quem colit Iste chorus

voce, prece, laude sonoras,
Spes et honor cleri,
tu nos dignare tueri ;
V. Gloria pontificum,

pastor bone, sidus amicum.
2. O decus ecclesiae,

natis, pater, auxiliare.
Quo gaudent hodie
sidera, terra, mare;

Natum mater, nata

parentem, sponsa maritum
Gaudet In aeterna

nobilitate suum.
V. Quo sibi flore dato

rediviva viret prius arens
Patre, viro, nato

filia, sponsa, parens.
3. O sidus lucidissimum
Aulae coelestis,
O vere aurora diescens
Tenebris meritorum
Signorumque radiis
Laetificans civitatem
Illuminans carcerem
Fuga de nostris cordibus
Tenebras vitiorum
Virtutum splendoribus.
V. O stella matutina,
Eo ceteris clarior,
Quo diei vicinior.

Ad Laudes.
Antiplionae.
1. Floruit ecclesia

Fractumque post florem
Tulit In Hibernia,

Coelum dedit rorem;
Tu vero, Juvavia,
Fructus hujus gratia
Indue decorem.
2. Gaude coeli militia,

Nam pastor ecclesiae
De mundi malitia
Triumphavit hodie.

3. Beatus Virgilius
Vi amoris vulneratus,
Intra regis cellaria
Introductus hodie
Cum jubilo est Inebriatus.

4. Jam ministrantem filium,
Jam propinantem spiritum,
Jam cernis patrem luminum,
O gemma pontificum.

5. Tuis laudibus Instantem
Clementer respice plebem,
In conspectu Dei, sancte
Virgili, memento nostri.

Ad Benedictus.

A. Lugent orbati

sublato de patre nati,
Congaudendo tamen

solvunt jubili modulamen,
Lugent ablatum,

gaudent supra astra locatum.

Ad Magnificat.

A. Pia mater In hac die
Laetetur ecclesia,
Sonent laudem melodiae

Cordis et laetitia;
Pastor noster hinc transivit,
Sed cum Christo semper vivit ;
Omnis terra jucundetur,
Psallat clerus, plebs laetetur;
Miserere miserorum,
Pie pater, et tuorum
Esto memor memorum.