Quinquagena III.

101. Gaude, manans

caelestem rivulum

Gratiarumque dulce poculum,

Servum tuum

defende tremulum

Christianum-

que cunctum populum.

102. Gaude, mater,

pultrix peccaminum,
Angelorum

generans dominum,
Nexus solvas

nostrorum criminum
Ac sustolle causas iurgantium.

103. Gaude, de qua natus salutifer,
A quo victus exactor letifer,
Nos illustret summus virtutifer
Protegatque caelestis signifer.

104. Gaude, mundi

princeps et domina,
Sanctitatis totius femina,
Servis tuis relaxa crimina
Et eorum mentes illumina.

105. Gaude, glorificata caelitus,
Impraegnavit quam Dei spiritus,
Rogo finis mis non sit subitus,
Quando meus demetur halitus.

106. Gaude, Christi munita civitas,
Ex qua fulsit caelestis veritas,
Aeternorum nobis hereditas
Per te detur atque felicitas.

107. Gaude, virgo,

caelorum gemmula,
Quaeinferni confringispessula,
Mentis nostrae disrumpe vincula
Atque cuncta dissolvescandala.

108. Gaude, virgo, lumen fidelium,
Salus ad te confugientium,
Linguas comprime

detrahentium
Ac perversum ipsorum odium.

109. Gaude, virgo, virtutum cellula,
Figurarum florescens virgula,
Sacerdotis aeterni gerula,
Interventrix sis nostri sedula.

110. Gaude, virgo, cella vinaria,
Potans caelum,

terram et maria,
Tua, quaeso, dulci memoria
Protegamur ab hostis furia.

111. Gaude, virgo,

quae mundi tenebris
Edidisti lumen de superis,
Miserere mis, quaeso, pauperis,
Ne inferno tradar cum miseris.

112. Gaude, matermixturaenescia,
Rosa fragrans et stella praevia,
Serpentina lapsos nequitia
Relevare tua potentia.

113. Gaude, virgo Aaron gracilis,
Mire exstans virtutum fertilis,
Te exorat mens mea flebilis,
Uti fiat in fide stabilis.

114. Gaude, consolatrix

maerentium
Ac adiutrix

Christo credentium,
Audi planctus

poenis degentium,
Adiuvamen

tuum quaerentium.

115. Gaude, arbor,

cuius umbraculum

Frigeravit adustum saeculum,

Peccatorum

disrumpe vinculum

Ac defende fidelem populum.

116. Gaude, nata

de regum stemmate,
Obumbrata acterno pneumate,
Supernorum laudata neumate,
Mentes nostras

reple charismate.

117. Gaude, virgo, porta iustitiae,
Quam circumdant

caeli deliciae,
Menti meae succurre sauciae,
Pondus pellens

ab hac maestitiae.

118. Gaude, mater Christi mirifica,
Quae in caelis regnas magnifica,
Servum tuum reum iustifica
Ac in fine pie laetifica.

119. Gaude, virgo, caelestis viola,
Cuncta frangens

errorum frivola,
Temptamenta maligni subdola
Aufer, caeli fac ut sim incola.

120. Gaude, per quam

caelorum aditus
Reseraturpraeclususprimitus,
Per te, quaesumus,

noster exitus
Dirigatur atque introitus.

121. Gaude, mater

splendoris ea eliei,
Quam collaudant

chori angelici,
Obsecramus te voto supplici,
Dies nostri ut sint pacifici.

122. Gaude, fructus

caelestis hortuli,
Ex quo fluunt virtutum rivuli,
Ad te nostri levantur oculi,
Ne nos turbent superbi populi.

123. Gaude,materadteclamantium
Ac solamen tuumquaerentium,
Nos emerge aquis torrentium
Laqueisque

Stygis venantium.

124. Gaude, mater, Christi eximia,
Summi patris dilecta filia,
Nobis praesta tunc patrocinia,
Cum finalis datur sententia.

125. Gaude, lucens caelesti radio,
Gemma fulgens

splendore nimio,
Desolatis sis consolatio
Et temptatis firma defensio.

126. Gaude, mater, cuius fecunditas
Admiranda atque virginitas,
Aeternorum nobis hereditas
Per te detur atque iucunditas.

127. Gaude, virgo, in qua divinitas
Habitavit et omnis bonitas,
Nos timentes ob res illicitas
Consoletur tua benignitas.

128. Gaude, virgo,

splendens miraculis,
Veneranda a cunctis populis,
Consolatrix sis tuis servulis
Atque turris inexpugnabilis.

129. Gaude, virgo,

quae mundum flebilem
Reparasti in mente debilem,
Nobis Deum redde placabilem,
Ne se praestet inexorabilem.

130. Gaude, virgo, pudoris lilium,
Consolatrix et spes humilium,
Tuum nobis post hoc exsilium
Benedictum ostende filium.

131. Gaude, micans lux de caligine,
Rosa orta de David germine,
Omni carens amaritudine,
Mentes nostras reple dulcedine.

132. Gaude, genetrix alimoniae
Angelorum sed et ecclesiae,
Pestem aufer vilis discordiae
Ac reforma foedus concordiae.

133. Gaude, mater Dei et filia,
Benedixit quam caeli curia,
Tibi nostra favent obsequia,
Per te nobis donetur venia.

134. Gaude, quam

virtutes uranicae
Laudant atque

plebes catholicae,
Servos tuos clementer respice
At adversa potenter abice.

135. Gaude, virgo caelesti germine
Feta sine virili semine,
Procelloso duc nos de turbine
Ac illustra superno lumine.

136. Gaude, Christi

mater magnifica,
Cantica quam

laudant organica,
Tu absolve me, mis spes unica,
Servitute de Babylonica.

137. Gaude, virgo, verna alithroni,
Quam collaudantchorialtisoni,
Gemitus te petunt luctisoni,
Verbum dones oris dulcisoni.

138. Gaude, germen

et proles Davidis,
Virgo es sed et mater nobilis,
Cuius partus est admirabilis
Atque forma desiderabilis.

139. Gaude, rosa, cuius fraglantia
Deum traxit de caeli curia,
Nos defende ab hostis furia
Ac caelesti da frui gloria.

140. Gaude, virgo spirans aromata
Supernorum atque charismata,
Cuncta frange

perversa dogmata
Ducque nos ad caeli agalmata.

141. Gaude, mater,

nostra redemptio,
Miseris spes et consolatio,
Nos concorda dilecto filio,
Ut sit nobis cum sanctisportio.

142. Gaude, finis legis primariae
Ac initium secundariae,
Mea mens est turbata varie,
Quaeso,uthanc expurges carie.

143. Gaude, mater Christi fidelium,
Salus ad te confugientium,
Grande instat

contra nos proelium,
Tuum nobis praebe subsidium.

144. Gaude, virtutum

receptaculum,
Castitatis politum speculum,
Tu cum prole

regnans in saeculum,
Caeli nobis impetra titulum.

145. Gaude, germen

stirpis Davidicae
Ac impletrix legis Mosaicae,
Me pupillum benigne respice,
Quam post Deum
collaudo unice.

146. Gaude, proles

David symphonidis,
Collaudata caeli cytharoedis,
Servis tuis occurre timidis,
Hostibusneturbenturrancidis.

147. Gaude, Sion supernae filia,
Cui nullas par est in gloria,
Nos caelorum frumento satia
Ac conforta corda debilia.

148. Gaude, virgo, lux indeficiens
Tuque luna eclipsin nesciens,
Sol de caelis

terram prospiciens,
Sis peccati nubes demoliens.

149. Gaude, virgo

regens caelestia,
Quam honorans

omnis ecclesia
Tibi sternit pia officia,
Transfer nos ad caeli palatia.

150. Gaude, virgo

promissa caelitus,
Cui mundus

est omnis subditus,
Te collaudat

nunc omnis spiritus,
Caeli per te pateat aditus.

Conclusio.

151. O Maria, regina gloriae,
Peccatorum pincerna veniae,
Supplicamus turbati varie,
Uti nobis succurras hodie.

152.O Maria.

morum spectaculum
Ac aeternae

salutis speculum,
Peccatorum esto piaculum
Atque miserorum

latibulum.

153.O Maria, cuius preconia
Omnis laudans

promit ecclesiae,
Mentis nostrae absterge vitia
Atque caeli confer solacia.

154. O Maria, dulcedo cordium,
Supernorum tenens dominium,
Rege nostrum

clemens arbitrium
Ac defunctis

praebe subsidium.

155. O Maria, caeli amygdalum

Per divinum crescens miraculum,

Consolare turbatum servulum,

Ut te laudet nunc et in saeculum.

ANHANG.

1. Carmen pulcherrimum de beata Virgine.
I.

1. Ave, gaude, vale, plaude,
Salve, virgo nobilis,

Omni veneranda laude
Carminumque titulis,

Nos ab hostis tuta fraude
Cunctisque periculis.

2. Ave, cuius ad parentes
Missus fuit angelus,
Quos abiecit olim flentes

Hebraeorum populus,
Ait: sitis nunc gaudentes,
Et ne fleat oculus.

3. Ave, cuius mater Anna,

Laeta de oraculo,

Forte cecinit Hosanna

Animae in iubilo,
Nos caelesti ciba manna,
Carnis nati pabulo.

4. Ave, de radice Iesse

Genus ducens inclitum,

Ut per scripta est expresse
Isaiae proditum,

Mundum duc ad bene esse
Per peccata perditum.

5. Ave, virgo de regali
Concepta genimine

Necnon et pontificali
Oriunda germine,

Servos tuos a mortali
Semper serves crimine.

6. Ave, quam originalis
Non foedavit macula,

Nam te virtus divinalis
Sic tutavit sedula,

Ut nec culpae venialis
Te moverent scandala.

7. Ave, virgo, lux solaris
Micans de caligine,

Quando carne generaris
Davidis ex germine,

Tuae nobis largiaris
Gratiae de lumine.

8. Ave, nardus odorosa
Odoris fragramine,

Deitatis o formosa
Tota obumbramine,

Unge corda raneorosa
Caritatis unguine.

9. Ave, virgo, quam perfudit

Larga benedictio,
Qua deletur, quam induxit

Eva maledictio,
Aufer mala, quae iam cudit

Satanae vexatio.

10. Ave, sponsa virginalis,

Post Deum spes unica,

Clemens et imperialis,
Audi, mater, cantica,

Cunctis tuta nos a malis
Impetraque caelica.

II.

11. Gaude, in qua novitatis
Prodeunt miracula,

Priscae quae antiquitatis
Non noverunt saecula,

Quando fis divinitatis
Sempiternae gerula.

12. Gaude, virgo, porta clausa,
Quam nemo apperuit,

Salvatoris nostri pausa,
Qui te solus transiit,

Qui salutis nostrae causa
Est et semper exstitit.

13. Gaude, fons, quo pietatis
Rivus clangens effluit,

Proles quando summi patrii
In te carnem induit,

Qua credentes a peccatis
Moriendo abluit.

14. Gaude, mater sine lege
Coniugali pariens,
Modo coram summo rege

Melodias concinens,
Omne vitiosum terge
A bonis impediens.

15. Gaude, virgo singularis,
Ornata virtutibus,
Gloriosa praedicaris
Iuste a fidelibus,
Quia Deum nobis paris
Castis ex visceribus.

16. Gaude, stella gignens solem,
Hominem sic reparas,

Quando Dei patris prolem
Virgo manens generas

Culparum nostrarum molem
Tua prece auferas.

17. Gaude, dulciter adfata
Ore Christi crebrius,

Caritate ordinata

Cunctisque virtutibus,

Eius dextra amplexata
Modo in caelestibus.

18. Gaude, bis sex coronata
Stellis honorifice,

Vero sole circumdata
Gignens hunc mirifice,

Luna pedibus substrata
Tuis exstat mystice.

19. Gaude, virgo, quam rigavit
Ros divinus dulciter,

Et humanas sordes lavit
Qui misericorditer,

Hunc mamilla tua pavit
Caute et sagaciter.

20. Gaude, gemma margaritae
Formam vincens specie,

Nominans mater rite
Christi regis gloriae,

Fac inscribi libro vitae
Te laudantes hodie.

III.

21. Vale, dulcis et beata,

Spes in te sperantium,
Devotorum ordinata

Salus infirmantium
Et periclis maris data
Remus navigantium.

22. Vale, cuius proloquuntur
Natum vatum carmina

Gloriosa que dicuntur
De te, mundi domina,

Preme, qui nos persequuntur
Hostium molimina

23. Vale, virgo, quae sic ornas

Davidis progeniem,

Sicut rosa inter spinas

Illis.addit speciem,

Ne in nobis culpae sinas

Crescere congeriem,

24. Vale, virgo gratiosa,

Cunctis te laudantibus
Assis, mater speciosa,
Ad te suspirantibus,
Telo frangens venenosa
Tiomissa ab hostibus.

25. Vale, gemma pniepolita
Deitatis unguine,
Per quam mundo fluxit vita

Perdito pro crimine,
Servis tuis assis cita
Mortis in discrimine.

26. Vale, moribus praeclara
Mater castimoniae,

In divinitatis ara
Balsamus fragrantiae,

In supernis servis para
Tuis locum gloriae.

27. Vale, mater, virgo casta,
Rutilans in gloria,

Omni cum virtute pasta
Abs peccati scoria,

Cunctis tribulatis asta
Tua pro clementia.

28. Vale, virginum decora,
Splendore munditiae

Rutilans velut aurora,
Exemplis iustitiae,

Corda servorum irrora
Fonte sapientiae,

29. Vale, stella matutina

Refulgens prae omnibus,

Radix David, stirps divina,
Fructum dans credentibus,

Da, ne noceat vulpina
Fraus te venerantibus.

30. Vale, vitis copiosa

Vina dans laetitiae,
Virgo dulcis et formosa,

Norma pudicitiae,
Corda nostra tenebrosa
Lustra dono gratiae.

IV.

31. Plaude, cuius est effusum
Nomen coram gentibus,

Medicamenque contusum
Nobis infirmantibus,

Gradiendi praestans usum
Mente claudicantibus.

32. Plaude, madens Gedeonis
Ros, signum victoriae,

Pondus desolationis
Aufer et miseriae,

Quo premuntur vi praedonis
Filii ecclesiae.

33. Plaude, mundi naufragantis
Portus securissime,

Ad quem vela fluctuantis
Expanduntur animae,

Inimici perturbantis
Nos virtutem reprime.

34. Plaude, virgo, gloriosa
Magna cum laetitia,

Quam ineunda laudis prosa
Salutat ecclesia,

Luxit quam victoriosa
Nati dies tertia.

35. Plaude, mater resurgentis

Sua ex potentia,
Cuius morte est serpentis

Delusa versutia,
Tu fermenti corrumpentis

Prece fuga noxia.

36. Plaude, mater ascendentis
Caelos ex vi propria,
Secum [quo]que deducentis

Electorum agmina,
Fac nos Paschae permanentis
Obtinere gaudia.

37. Plaude, virgo, rubens rosa
Et pudoris lilium,

Intrans caeli gaudiosa
Inducta per filium,

In hac valle lacrimosa
Nobis fer auxilium.

38. Plaude, mater regis magni,
Regnantis in superis,

Nunc in regno Dei agni
Residens in dexteris,

Ne nos poenae tradat stagni,
Tu succurre miseris.

39. Plaude, virgo regnans clare
Modo super sidera,

Nos dignare te laudare,
O Christi puerpera,

Ac clementer expiare
Cuncta nostra scelera.

40. Plaude, prudens o Maria
Sidusque mirificum,

Da finita vitae via

Et carnis post lubricum

Speculentur, virgo dia,
Tecum numen caelicum.

V.

41. Salve, surgens o decora

Nobili progenie,
Mane veluti aurora

Rutilans in facie,
Apud filium implora

Nobis donum gratiae.

42. Salve, mater, salve, clemens,
Salve, plena gratia,

Ad quam sancta corde gemens
Suspirat ecclesia,

Quam conatur hostis fremens
Ducere in invia.

43. Salve, cuius prae amore
Vox est facta languida,

Caput tuum plenum rore
Distillat aromata.

Corda nostra pro honore
Tuo sana morbida.

44. Salve, saltus o vernalis
Floridus virtutibus,

In quo rosa, flos regalis,
Redolet prae omnibus,

Amor tuus maternalis
Iam succurrat tristibus.

45. Salve, campus liliatas

Flore pudicitiae
Hortulusque irrigatus

Fonte sapientiae,
Reformatur quo et status

Miser iam ecclesiae.

46. Salve, mater o Maria

Virgoque egregia,
Orta genealogia

Davidis ex regia,
Salva mente fantes pia

Tua privilegia.

47. Salve, regina decora,
Iustis convertibilis,

Rutilans velut aurora,
Satanae terribilis,

Da, ne laedat mortis hora
Nos ille horribilis.

48. Salve, virgo, salve, mitis
Mater summi numinis,

Nobis prave irretitis
Culpa turpitudinis

Da videre nunc contritis
Vultum veri luminis.

49. Salve, bonis plenum cunctis
Domini sacrarium,

Pro peccatis iam compunctis
Caeli dans solarium,

Nostris vivis ac defunctis
Semper sis praesidium.

50. Salve, dulcis o Maria,

Nostra spes et domina,

Quam collaudat mente pia
Trina rerum machina,

Duc nos hac finita via
Caeli ad intermina.

2. Super Ave maris stella.

1. Ave, maris stellula,

Decor caeli mirus,
Effulgensque gemmula,

Ornans ut saphirus,
Prece pelle sedula

Vitiorum virus
Et quae infert scandala

Hostis furor dirus.

2. Sumens ave inclitum

Gabrielis ore,
Qui tibi paraclitum

Adfuturum fore
Dixit, me sollicitum

Tuo in honore
Irae frenans impetum

Firma in amore.

3. Vincula lasciviae

Vulgi depravati
Solve nos iustitiae

Subdens tui nati
Ferque lumen gratiae

Nostrae caecitati,
Oculo scientiae

Qui sumus orbati.

4. Moristra te causidicam
Matremque reorum
Prolem his deificam
Placans, ut eorum

Precem sumat melicam,
Quam pro peccatorum

Venia dant lubricam
Per vitam factorum.

5. Sempiternis laudibus,

Virgo singularis,
A supernis civibus

Digne veneraris,
Opem fer petentibus,

Mater expers paris,
Mitis quae prae omnibus

Semper praedicaris.

G. Vitam mihi tribue

Puram, fons virtutum,
Sicque sordes ablue,

Quas per carnis lutum
Contraxi assidue

Sequens, heu, versutum,
Vitae nunc occiduae

Iter para tutum.

7. Trinitas te, domina,

Induit decorem
Gratiae dans flumina

Et famae fulgorem,
Haec fantem precamina

Tuum ob honorem
Duc ad caeli culmina

Mundi post laborem.

3. De aeterna sapientia.

1. Salve, iubar saeculi,

Stella matutina,
In conspectu populi

Fulget lux divina,
Quae est cara languidi

Vitae medicina,
Nos in mundo labili

Servans a ruina.

2. Salve, gemma nobilis,

Vera margarita,
Caelicis virtutibus

Perfecte munita,
Non depicta manibus,

Sculpta vel polita,
Hoc scit summus artifex,

Qui te fecit ita.

3. Ille color caelicus,

Qui in te splendescit,
In eodem permanet

Statu nec decrescit,
Diuturno tempore

Minime pallescit,
Fecit te rex gloriae,

Fallere qui nescit.

4. Nesciens putredinem,

Servans incorruptum,
Quod est a christicolis

Coram te deductum,
Tu vertas in gaudium

Gemitum et luctum,
Confer saluberrimum

Te videndi fructum.

5. Salve, decus saeculi,

Speculum sanctorum,
Te videre cupiunt

Spiritus sanctorum,
Nos ab omni macula

Purga vitiorum
Atque nos consortio

Iunge beatorum beatorum.

6. Esto nobis, quaesumus,

Tutum adiuvamen,
Dulce refrigerium

Atque consolamen,
Ut nobis non noceat

Hostile gravamen
Sed fruamur requie

Cum beatis. Amen.

4. Ad beatam Mariam V.

1. O Dei genetrix, accede propera,
Velis conatibus hostis resistere,
Quibus a tramite caeli me vertere
Temptat et tartaro pro culpis tradere.

2. Me tuis meritis et consolamine

A mortis, deprecor, serves discrimine,
Nam multipliciter fraus instat Satanae
Me gliscens fidei privare lumine.

3. O plebis gloria ecclesiastcae,

Precantis gemitum clementer aspice,
Insultus patior fraudis Satanicae,
Misericorditer a me quos abice.

Appendix II.

Ad Psalterium I.

AdminBookmark

Ad Psalterium V.

AdminBookmark

Ad Psalterium XVI.
Proaemium.

AdminBookmark

Die Melodie zum Psalterium selbst ist clieselhe wie zu No. V.

ANALECTA HYMNICA

MEDII AEVI.

Herausgegeben

VOn

Clemens Blume und Guido M. Dreves.