Acta Apostolicae Sedis - Commentarium Officiale436

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis

MACERATEN. seu AESINA

Beatificationis et canonizationis Servi Dei Seraphini a Pietrarubbia (in saec.: Petri

Riminucci) Laici professi O.F.M Cap. (1875-1960)

DECRETUM SUPER VIRTUTIBUS

«Domine, non est exaltatum cor meum, neque elati sunt oculi mei, neque

ambulavi in magnis neque in mirabilibus super me. Vere pacatam et quietam

feci animam meam; sicut ablactatus in sinu matris suae, sicut ablactatus, ita

in me est anima mea » (Ps 131, 1-2).

Servus Dei Seraphinus Riminucci a Pietrarubbia, in saeculo Petrus, luci-

da conscientia ditatus spiritualem vixit pueritiam recte his Psalmistae verbis

descriptam et a Domino Iesu propositam uti condicionem ut quisque ad

Regnum Dei pertinere possit (cf. Mc 10, 15).

Servus Dei primam lucem vidit in oppido Pietrarubbia die 25 mensis

Aprilis anno 1875, natus e pauperrima familia; sequenti die baptizatus est

et post unius anni spatium sacro chrismate unctus.

In humili familiae ambitu, praesertim ductus parentum exemplo, essen-

tialia didicit rudimenta humanarum et christianarum virtutum; attamen

infantia eius, in exordiis serena, aliquot post annos in tristitiam mutata est

ob mortem parentum. Etiam hi acerbi eventus influxerunt in eius indolem,

quae ostendebat indicium timoris, mansuetudinis, bonitatis ac reverentiae

erga omnes, dum eius vita spiritualis praesertim per orationem firmabatur.

Ut propriae subsistentiae in suo ambitu sociali derelicto ac retracto consu-

leret, iuvenis Petrus, qui primo tempore ex mendicatione quoque se sustenta-