402 Acta Apostolicae Sedis - Commentarium Officiale

corroborandam. Alias difficultates exstant propter citatum societatis motum,

vel propter tempora quae operum officia decernunt. Alias ex eo quod tem-

pus simul exactum qualitatem non habet. Communicamus tantum materiale

locum, sed alter ad alterum animum non attendimus. Pastorales operatores

familiarumque coetus iuvenes aut debiles coniuges adiuvare debent ut his

temporibus sibi occurrere ediscant, alter coram altero sistere, atque etiam

silentii tempora quae eos cogant ad praesentiam coniugis experiendam.

225. Coniuges qui bonam experientiam ob "tirocinium" quoddam sunt

adepti hac in re, auxilia certa, eis utilia, offerre possunt: praestitutionem

temporum quibus simul gratuito consistant, tempora oblectationis cum filiis,

varios modos res magni momenti celebrandi, spatia spiritalitatis communica-

tae. Sed quaedam etiam praebere possunt subsidia quae adiuvent argumentis

et significatione replere haec tempora, quo melius communicare discant.

Quod maximi est momenti cum exstincta sit sponsalium novitas. Quoniam,

cum nescitur quid sit faciendum cum tempore communicato, alteruter con-

iugum ad technologiam confugere, alia negotia invenire, alium complexum

quaerere vel intimitatem incommodam fugere potest.

226. Iuvenes coniuges sunt concitandi ut proprias consuetudines effi-

ciant, quae sanum sensum stabilitatis ac securitatis praebeant quaeque ae-

dificent seriem cotidianorum rituum simul participandorum. Bonum est

semper mane sibi osculum mutuo dare, vespere autem benedictionem im-

pertire, alterum exspectare atque alterum suscipere cum venerit, aliquando

simul exire, opera domestica communicare. Sed eodem tempore bonum est

consuetis festivitatem interponere, capacitatem celebrandi in familia non

amittere, gaudere et de pulchris experientiis festum agere. Debent simul

mirari propter dona Dei et fervorem in vitam simul alere. Cum quis ce-

lebrare valet, haec facultas vires amoris renovat, eum a taedio liberat et

colore ac spe cotidianas consuetudines replet.

227. Nos Pastores familiis animum addere debemus ut in fide crescant.

Quapropter iuvat ad frequentem confessionem sacramentalem hortari, ad

spiritalem moderationem, ad recessus frequentandos. Neque autem oblivi-

scendum est eas esse invitandas ut spatia hebdomadalia familiaris orationis

instituant, quoniam "familia quae simul orat, simul manet". Simulque, dum

domus invisimus, cunctos familiares ad mutuam orationem adque familiam

in manus Domini committendam invitare debemus. Eadem opera oportet

animum addere coniugibus ut quisque tempus sibi sumat orationis in soli-