92 MEXICANA

(1) Recole Vol. XIII, 340.

locis accidisse deflendum mihi vehementer sane est. Ad hoc ansam non dubito daturam invidiam, quae contra Parochos in Indis excitaretur, si se orbari ab illis Missa, quod nullo unquam tempore accidit, persentirent. Accedit quod ii, quos iam suis laqueis Protestantes deprehenderunt, nullis horta- tionibus officiis aut monitionibus possunt ad bonam frugem reduci. Plurima inde mala in locis iam istis erroribus in- fectis proveniunt; et haec, imo maiora timenda erunt, in maxima fidelium parte, si locus relinquatur Protestantibus, omnia loca summa cum aviditate circumcursantibus, illos Missae beneficio privando ».

« Hisce nisus fretusque gravissimis rationibus, Beatissi- me Pater, enixe obnixeque rogo atque obsecro pietatem tuam erga istum gregem, ut facultatem istam, de plenitudine po- testatis tuae, concedere digneris. Interim meam erga Te re- verentiam et obedientiam polliceor ».

Eiusdem tenoris preces obtulit idem Ordinarius anno 1878, S. O. C. propositas per Summaria Precum quas hoc responso dimittere placuit die 20 Dec. 1879 : (1) « Pro gratia ad quinquennium, facto verbo cum SSmo et ad mentem ». In E E . P P . exprimenda mente id praecipue si- gnificari debuit Archiepiscopo : « ut ultra tertiam Missam nunquam nullaque de causa iterationem permittas ; nec non ut, concessionis tempore durante, eá qua praestas pruden- tia ac solertia, res componere satagas, ad tramites disci- plinae vigentis, qua scilicet plebis necessitati audiendi Sa- crum satis consulatur per binationem ». Concessionis gratia usque prorogata fuit: quum vero Ordinarius praescriptionibus, iuxta mentem E E . P P . expressis nondum fecerit satis, iterum institum fuit, ut res ad normam iuris redigerentur; cui in- stantiae respondit Archiepiscopus per supra relatas litteras.

Disceptatio Synoptica

G R A T I A D E N E G A N D A V I D E T U R . In quod propositum prae primis recolenda videtur recens S. C. C. responsio data in