92. De sancto Syreneo.

In 1. Vesperis.
Super Psalmos.

A. Gaude, Sion,

ornata lumine,
Quam decorat

virtutum culmine
Syreneus,

qui fuso sanguine
Triumphavit

pro Christi nomine.

Ad Magnificat.

A. O lampas ecclesiae,

Gemma puritatis,
Speculum munditiae,

Cella sanctitatis,
Linea justitiae,

Exemplar virtutis,
Adstanti familiae

Fer opem salutis.

Ad Matutinum.
Imitatorium.

Jubilemus voto pari
Christo, vero salutari,
Per quem gaudet sublimari
Syreneus hodie.

In 1. Nocturno.
Antiphonae.

1. Beatus, qui non abiit
in malorum consilio
Nec cathedram apetiit
pestis infectam vitio.
2. Quare fremuerunt populi,
quos subsannat Deus,
Quorum rumpit vincula
martyr Syreneus.
3. Domine, qui martyris

mercedem multiplicas,
Fac nos coelum scandere,
mansiones coelicas.

Responsorja.

1. Novae stellae radium
oriens eduxit,
Quam super candelabrum
Christus jam produxit
Et sublato modio
coelatus illuxit,
V. Ad palmam victoriae
Christus suum hodie
Militem produxit.

2. Christi fornax corda mundans

et expurgans vitia
Syrenei cor purgavit

a mundi spurcitia
Et purgatum consecravit

influente gratia.
V. Christi veste tegitur

accinctus potentia
Et relicto pallio

fugit ab Aegyptia.

3. Cultor agri Domini
vulpes expellebat
Nec in Christi vineam

transire sinebat,
Quos pestis haeretica
miseros tenebat,
V. Ignitum eloquium
Et fidei gladium
Sanctus evehebat.

In 2. Nocturno.
Antiphonae.
1. Cum invocat, exauditur
per te, Jesu bone,
Martyr, qui te non negavit
mortis in agone.

2. Verba sancti percipit
Christus et exaudit,
Qui justa petentibus
aures nunquam claudit.
3. Domine, Domine,
tu mirabilem
Fecisti hodie

parvum et humilem.

Responsoria.

1. O martyr eximie,
decus speciale,
Quem ornat justitiae

superhumerale,
Fac nos [tecum] scandere
regnum aeternale,
V. Protege subsidiis,
Quod reples miseriis
Corpus hoc mortale.

2. Hortum colens vir heatus
insitum arboribus,
Quem nec hiems neque gelu

spoliabat fructibus,
Sibi victum acquirebat
propriis laboribus.
V. Intus ferens Christi crucem,
Sequebatur pium ducem
Paupertatis gressibus.
3. Impudica mulier
dum [se] Syrenei
Objicit adspectibus,
se non credit ei
Sanctus, sed hanc repulit
zelo verbi Dei.
V. Novum Joseph exhibet
illi vir insignis,
Quem in igne positum
non exurit ignis.

In 3. Nocturno.

Antiphonae.

1. Confidit in Domino,
cui se totum dedit,
Nec minis nec gladio
sed nec morti cedit.
2. Domine, qui habitas,

quo mors non ascendit,
Fac nos illic scandere,
quo martyr ascendit.
3. In virtute Domini
sanctus gloriatur
Atque desiderio
suo non fraudatur.

Respoiisoria.

1. Cultus fide,

fulgens eloquio,
Sic Trajano

respondit impio:
Colo Christum,
alium nescio.
V. Praeses iram concipit
Et punire praecipit
Virum Dei gladio.
2. Inclinato capite
ictum ferientis
Cupit vir cum gaudio
et invictae mentis,
Sed murmur non resonat
aut vox renitentis.
V. Cursu felicissimae
vitae consummato
In sinu recipitur
Abrahae beato.
3. Salve, miles summi regis
et cohaeres gloriae,
In hac valle lacrimarum,

mortis et miseriae
Nos tuere tua prece
certantes in acie.
V. Jesu bone,

per sancti merita
Nos a trina
morte resuscita.

In Laudibus.

Antiphonae.

1. Dominus regnavit,
qui suum famulum
Exaltat coelitus

nunc et in saeculum.
2. Jubilate summo regi,
Cujus jugo, cujus legi
Subdi martyr voluit.
3. Deus, Deus meus,
Te solum sitivit
Martyr Syreneus,
Qui dolum nescivit.

4. Christum benedicere
Syreneus meruit,
Victor inimici.

5. Laudemus Dominum,
quem laudat in caelis
Miles fortissimus
et testis fidelis.

Ad Benedictus.

A. Glorificet Dominum
curia coelestis,
Quam Christi veridicus
Syreneus testis

Ingressus admixtus est

angelicis festis
Et dotatur munere

immortalis vestis.

In 2. Vesperis.
Ad Magnificat.
A. O lux vera, Jesu bone,
Syrenei precibus
Ac ipsius passionem
Devote colentibus
Adsis, famem, mortem, pestem

ab eorum finibus
Pellas, pacem, castitatem
horum serves mentibus.