90. De sancto Lucio.

In 1. Vesperis.
Antiphonae.
1. Laudate, pueri, Dominum,
Qui beatum Lucium

Puerilia vitantem

In caelis fovet nunc laetantem.

2. Laudate Dominum, omnes gentes,
Prece Lucii confidentes

Non sentire post hoc infernum,
Aptae regnum ad aeternum.

3. Lauda, anima fidelis,

Tam in terra, quam in caelis

Lucii migrationem

Et in caelis generationem.

4. Laudate Deum, qui bonus,
Qui peccati tollit onus,
Ut non contingat peius,
Nos servet ad preces eius.

5. Lauda, Ierusalem superna,
Tui cives et lucerna
Gaudent, qui lucet reis,
Luce qua iungamur eis.

Ad Magnificat.
A. Suscepit Deus puerum
Suum beatum Lucium
De valle miseriae
Ad thronum gloriae,
Collocans eum bodie
Cum angelis in requie,
Quam promisit Abrahae
Et semini eius in saecula.

Ad Matutinum.
Invitatorium.

Adoremus regem martyrum,
Qui coronavit sanctum Lucium
Et praeoccupemus faciem
Eius in confessione.

In 1. Nocturno.
Antiphonae.

1. Mediator legis divinae,

Sicut lignum secus aquas viride
Transplantatus martyr beatus
Pro Christo se tradens supplicio,
In caeli coronatur solio.

2. In Romana constitutus sede
Sicut aurum in virtute
Probatus patientiae,
Fulsit ut sol in amore
Fundatus sapientiae.

3. In apostolatus sedens culmine
Certat in certamine,
Dei fretus munere
Palmam fert victoriae.

Responsoria.

1. Electus Dei pontifex
Et martyr Lucius
Romanorum patienter
Ferens persecutiones,
Sed divino adhaerens mandato
Parvipendet taedia vitae;
V. Intenderunt arcum suum,

Ut martyrem delerent innoxium.
2. Ut sol fulgens in virtute
Martyr Dei Lucius,
Quem rex caelestis curiae
Dono decorat gloriae,
Spe caelesti sublimatus
Regnat martyr coronatus.
V. Deferens autem secum
Opera iustitiae,
Propter quae perfruitur
Praemiis iustitiae.
3. Vir inclitus, martyr Lucius,
Vigens virtute patientiae,
Mundi huius sprevit ima,
Constanter sustinuit
Tormentorum supplicia,
Et per immanis

martyrii palmam
Sedem caelestium
adeptus est almam.
V. Qui tentus a Romanis
Sacro truncatur capite,
Cuius capitis testam
Praesens fovet ecclesia.

In 2. Nocturno.
Antiphonae.
1. In sede Romana
Gloriosus emicuit,
Sancto repletus spiritu
Virtutis formam praebuit.
2. Scuto spei praemunitus
Terrena non metuit.

Fide Christi roboratus
Caritate viguit.
3. Gloria et honore
Fulgebat vir iustitiae,
In cuius mentis culmine
Manebat paraclitus gratiae.

Responsoria.

1. Dono refulgens gratiae
Sede locatur gloriae,
Quo rectore Romanorum
Fides suscepit incrementum
Ad delendam hostis fraudem,
Ad augendam Christi laudem.

V. A Domino martyri datum est,
Et est mirabile in oculis nostris.

2. Flagrabat beati martyris
Mens flamma sancti spiritus,
Cuius amoris gratia
Saevissimi spiculatoris
Non exhorruit gladium
Caput amputantis,

V. Qui consummato
cursu coronam
A Christo percepit optatam,
Suis precibus nobis aeternum
Acquirat regnum.
3. Praesul Christi, triumphali
Virtutum mysterio
Decertasti, miles invicte,
Terge nostra vitia
Orandi instantia,

V. Quoniam delictorum
Nexu premimur,
Sed per te absolvamur.

In 3. Nocturno.
Antiphonae.

1. In Domino suo martyr
Confisus athleta fortis,
Qui devicit iura mortis,
Aegris potum dat salutis
Et solamen destitutis.

2. Habitat in requie
Cultor verae iustitiae,
Superatis carnis hostibus
Triumphat in caelestibus.

3. Benedictionis praeventus gratia
Induitur salutari iustitia,
Potens et imperialis
Choris inseritur angelicis
Pontifex regalis.

Responsoria.

1. Migrans martyr ad superna
Summus praesul gaudia,
Cuius patrocinia
Praesens procurat ecclesia,
Sentienda merita
Et multimoda solatia.

V. ''Beatus vir, gui suffert tenta-
tionem, quoniam cum probatus
fuerit, accipiet coronam gloriae.''

2. Apparent nunc

nostri patroni
Sollemnia festiva,
Qui in Romana

sede triumphans
Floruit ut oliva,
Tanti sancti

laudabilis victoria
Novae laudis

refulget gloria.
V. Iesu Christe, te laudamus,
Collaudando veneramur
Beatum papam Lucium,
Quem nobis des propitium.

3. O felix martyr,

Luci invictissime,
Praesul Christi sacratissime,
Tuo poscas oramine
Nostrae incrementum ecclesiae,
Audi vota fidelium
Tibi nunc supplicantium.
V. Qui factus es Deo hostia viva
Sacro plexus capite,
Sed in caelis coronaris
Diademate gloriae.

In Laudibus.
Antiphonae.

1. Hanc sanctam domum,

In qua quiescunt Lucii

Sacratae reliquiae,

Decet pax et sanctitudo

In longitudine dierum.
2. Beatissime praesul,

Qui inter rosea

Martyrum agmina

Mirifice splendes,

Nos tibi supplices

Tuearis atque defendas.
3. Benedixit Deum

In vita sua

Martyr iste, ideo

Exaltavit eum,

Beatificatum

Patronum huic ecclesiae.

4. Omnia, quae moventur in aquis,
Benedicite Dominum,
Qui in translatione

Lucii martyris
Ex Baltico mari exterruit
Horribile daemonium.

5. Laudes utinam dignas referamus
Beato Lucio,

Pro cuius victoria martyrum
Chorus laudet Dominum.

Ad Benedictus.

A. O beata martyris

et praesulis praeconia,

Quem laureatum
in caelis agmina

In suum consortium

Suscipiunt angelica,

Tuos supplices conserva

Et a criminibus

Emunda et terge.

In 2. Vesperis.
Ad Magnificat.

A. Christum caelorum
Regem et Dominum
Magnificet agmen praesulum,
Qui in suum sacrum collegium
Susceperunt martyrem Lucium;
Ergo petit sua familia,
Ut per eius magnalia
Decantet Deo gloriam.

In 1. Vesp.

Super Ps. haben BC nur eine A:

O martyr Luci beatissime,
Honor et laus nostrae provinciae,
Qui ecclesiam Roschildensem
Tuo foves proprio
Decoratus sanguine,
Caelesti resultans in agmine,
Ad te suspirantibus,
Intende tibi, quaesumus,
Famulantibus.

Ad Magn.

A lautet in BC:

Magnificet contio nostra Dominum

Per sanctum Lucium,

Pontificem mirificum,

Qui mare Balticum,

Periculis invium,

Sui capitis transfretatione

Fecit magis pervium,

Quietum et tranquillum;

Ergo precemur illum,

Ut nos ereptos
Huius mundi fluctibus,
Suis sanctis precibus
Caeli coniungat civibus.