Acta Benedicti Pp. XVI 773

Est necesse ut Verbum divinum in suis quoque vocationum implicationi-

bus ostendatur, ita ut iuvenes suis in vitae curriculis eligendis, in plenam

etiam consecrationem, iuventur et perducantur.343 Verae ad vitam consecra-

tam et sacerdotalem vocationes in Verbo Dei fideliter nanciscendo congruum

reperiunt locum. Hodie etiam ianuas Christo reserandi invitationem, quam

Pontificatum ingredientes fecimus, iteramus: « Qui sinit ut Christus intret,

nihil amittit, nihil - omnino nihil quod vitam liberam, pulchram, insignem

reddit. Minime quidem! Solummodo hac in amicitia ad vitam aperiuntur

ianuae. In hac amicitia solummodo reapse praestantes humanae condicionis

vires recluduntur ... Cari iuvenes, nolite Christum timere! Nihil Ipse aufert, et

omnia donat. Is qui se ei tradit, centuplum recipit. Utique, aperite, Christo

portas patefacite - et veram vitam invenietis ».344

Dei Verbi nuntius et migrantes

105. Dei Verbum ad historiam et ad omnia nova quae ex ea oriuntur

attentos nos facit. Quapropter Synodus, quod ad Ecclesiae evangelizationis

missionem attinet, implicatae rei mentem convertere voluit, quae ad populos

migrantes spectat, quae his annis inopinatam magnitudinem attigit. Hic

magnae prudentiae exoriuntur quaestiones, quae ad nationum securitatem

necnon receptionem spectant, quae iis est praebenda, qui confugium, commo-

diores vitae, salutis operisque condiciones requirunt. Personarum multitudo,

quae Christum non noverunt vel incongruentem eius habent imaginem, in

christianae traditionis Nationibus domicilium stabiliter ponit. Eodem tem-

pore personae ad populos pertinentes funditus christiana fide informatos, in

Nationes demigrant, in quas necesse est ut Christi nuntius deferatur quaeque

nova evangelizatione indigent. Hae condiciones novas facultates praebent

Dei Verbum diffundendi. Hac de re synodales Patres edixerunt migrantes

kerygma audiendi ius habere, quod eis proponitur, non imponitur. Si christia-

ni sunt, congruo pastorali praesidio indigent, ut fides roboretur et evangelici

nuntii ipsi sint praecones. Cum sint huius rei implicatae consciae, dioeceses,

ad quas id spectat, operari debent, ut migrantium motus tamquam occasio-

nes etiam habeantur ad novas praesentiae nuntiique rationes detegendas

atque, pro cuiusque facultatibus, congruae receptioni et horum nostrorum

343 Cfr. ibid. 344 Homilia (24 Aprilis 2005): AAS 97 (2005), 712.