Acta Francisci Pp. 403

tudine coram Deo, quoniam unusquisque suas secretas habet aegritudines.

Quidni Deo narremus quod cor turbat, vel ab ipso vim poscamus ad pro-

pria vulnera sananda et lumina imploremus quibus indigemus ad proprium

munus sustinendum? Patres synodales palam asseruerunt etiam « Verbum

Dei fontem esse vitae spiritalitatisque pro familia. Omnis cura pastoralis

familiaris debet efformari intus ac formare membra ecclesiae domesticae

per lectionem orantem et ecclesialem Sacrarum Scripturarum. Verbum Dei

non solum est bonus nuntius pro personarum vita privata, sed etiam norma

iudicii et lumen pro discretione variarum provocationum quibus coniuges

et familiae subvenire debent ».252

228. Fieri potest ut alteruter coniugum non sit baptizatus, vel fidei offi-

cia tueri non vult. Hoc in casu, alterius desiderium christianum in modum

vivendi augendique efficit ut indifferens coniux e dolore laboret. Nihilominus

reperiri possunt quaedam bona communia quae studiose communicari et

coli possunt. Quidquid est, non credentem coniugem amare, felicem eun-

dem reddere, dolores eius allevare vitamque cum eo communicare verum

est sanctificationis iter. Ceterum, amor donum est Dei, et ubi diffunditur,

suam effundit transformationis vim, modis aliquando arcanis, usque adeo

« sanctificatus est vir infidelis in muliere, et sanctificata est mulier infidelis

in fratre » ( 1Cor 7, 14).

229. Paroeciae, motus, scholae et alia Ecclesiae instituta partes gerere

possunt in familiis curandis et redintegrandis. Exempli gratia per instru-

menta qualia sunt: proximarum vel amicarum familiarum congregationes,

breves recessus pro coniugibus, peritorum collocutiones de familiaris vitae

quaestionibus admodum definis, matrimonialis consultationis sedes, opera-

tores missionum qui sunt parati ad colloquendum cum coniugibus de eorum

difficultatibus optatisque, consultationes de diversis familiaribus condicio-

nibus (dependentiis, infidelitate, violentia in familia), spiritalitatis spatia,

formationis laboratoria pro parentibus cum filiis difficultatibus affectis, coe-

tus familiares. Secretariatus paroecialis valeat oportet affabiliter accipere

et familiares urgentias prosequi, vel facile dimittere ad eos qui auxilium

iis praestare valeant. Adest etiam pastorale adiumentum quod in coniugum

coetibus datur, cum ministerii tum missionis, orationis, formationis vel mutui

subsidii. Hi coetus occasionem praebent dandi, familiae apertionem versus

252 Ibid., 34.