Congregatio de Causis Sanctorum 803

MEDIOLANENSIS

Beatificationis et Canonizationis Servi Dei Marcelli Candia Christifidelis Laici

(1916-1983)

DECRETUM SUPER VIRTUTIBUS

« Christianus sum, quia baptizatus; et quia baptizatus, Christum paupe-

ribus afferre debeo: vi baptismatis missionarius sum ».

Verba haec ipsius Servi Dei Marcelli Candia vitam et optionem eius

pauperibus infirmisque et leprosis silvae Amazoniae Brasiliensis ministrandi

summopere perstringunt.

Servus Dei die 27 mensis Iulii anno 1916 Porticis prope Neapolim in

Italia e locupleti familia, tertius e quinque filiis, ortus est. Camillus pater

industriae chimicae deditus erat, cuius fabricae omnem per Italiam disiectae

erant; mater autem Aloisia Mussato seu vulgo Bice mulier erat intellectu

mira humanoque cultu eximia. Marcellus a Deo magna habuit dona naturae

et praelecta, familiam scilicet coniunctam, parentes sollertes ac munificos,

censum ac divitias atque ipse ingenio summo expressaque ad scientiarum

studia propensione et mira negotiorum gerendorum effusius honestatus est

peritia.

Anno 1939, lauream in Chimia pura adeptus est, quam deinde alia in

Scientia Medicamentaria et novissima in Scientiis Phaenomerum Vitae se-

cutae sunt, et, anno 1942, viginti sex tantum annos natus, iam Moderator

Generalis avitae Domus « Candia » Mediolani constitutus est. Vir collegis

et administris omnibus in opera sive peritiae sive hominum sollicitudinis

causa probatissimus, laboris praestantiam numquam a profundo hominum

dignitatis cultu seiungebat, quorum vel minimis necessitatibus nulli vero

levi ac simpliciori indulgens benignitati vel industriae deminutae copiae

sedulius consuluit.

Inter annos 1939 et 1950 Servus Dei aliis quoque navitatibus admodum

enisus est: nam, ante bellum exactum una cum iuvenibus quibusdam amicis

fere omnibus laureatis coetui se ascripsit, cui nomen Il Ceppo, a Reverendo

Patre Genesio de Glareato presbytero ex Ordine Fratrum Minorum Capucci-

norum fundato, qui solitarii et moderatoris spiritualis mirum fuit exemplum

atque multorum iuvenum ad caritatem suscitator et in oratione lumen. «Mini-