1 8 Novemb r e 2 0 09 - 1 5 : 2 0 p a g i n a 4 3 8 e : / 0 6 9 2 _ 9/L a v o r o/Ac t a _mag g i o _ 9 . 3 d GRECCO

Acta Apostolicae Sedis - Commentarium Officiale438

Ob diffusam sanctitatis famam Fratris Seraphini quae inter Dei populum

magis magisque diffundebatur, a die 17 mensis Februarii anno 1980 ad diem

16 mensis Octobris anno 1982 Aesino in oppido celebratus est Processus

Cognitionalis, cuius iuridicam auctoritatem Congregatio de Causis Sanctorum

per Decretum die 14 mensis Decembris anno 1984 vulgatum approbavit.

Exarata Positione, uti de more, disceptatum est de virtutibus a Servo Dei

heroico gradu exercitis. Die 28 mensis Aprilis anno 2006 Congressus Peculia-

ris Consultorum Theologorum habitus est faventem ferens sententiam. Patres

Cardinales et Episcopi in Sessione Ordinaria congregati die 5 mensis Februa-

rii anno 2008, audita relatione Ponentis Causae, Exc.mi D.ni Hieronymi

Grillo, Episcopi emeriti Centumcellarum, edixerunt Servum Dei Seraphinum

a Pietrarubbia theologales, cardinales eisque adnexas virtutes heroum more

esse exsecutum.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Seraphini a

Petrarubbia (in saec.: Petri Riminucci), Laici Professi Ordinis Fratrum Mino-

rum Capuccinorum, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis