Acta Apostolicae Sedis - Commentarium Officiale774

fratrum curae provideatur, ut Bono Nuntio affecti, ipsi Dei Verbi praecones

et Iesu Resuscitati, mundi spei, testes fiant.345

Dei Verbi nuntius et languentes

106. Cum synodale opus agerent, Patres necessitatem etiam

animadverterunt Verbi Dei universis iis nuntiandi, qui in dolore physico,

psychico vel spiritali versantur. Etenim cum dolor adest, postremae de

propriae vitae sensu interrogationes impellentes in animo hominis oriuntur.

Si hominis verbum pro mali dolorisque mysterio cessare videtur atque si

nostra societas bonam exsistentiam putare videtur solummodo si

quibusdam efficientiae commoditatisque modis respondeat, Dei Verbum

nobis revelat haec quoque rerum adiuncta blandum Dei amorem arcano

« complecti ». Fides, quae divinum Verbum conveniendo oritur, nos adiuvat,

ut aestimemus humanam vitam dignam esse quae plene vivatur, licet malo

frangatur. Deus hominem creavit ad felicitatem et vitam fruendam, morbus

autem et mors ob peccatum in mundum intraverunt (cfr. Sap 2, 23-24). Sed

vitae Pater medicus ipse est hominis praecipue et non intermittit quin ama-

biliter in dolentem humanitatem se inclinet. Propinquitatis Dei verticem erga

hominem dolentem in Iesu ipso contemplamur qui est « Verbum incarnatum.

Nobiscum passus est, mortuus est. Per suam passionem et mortem sumpsit

Ipse et funditus nostram debilitatem convertit ».346

Iesu propinquitas dolentibus non est intermissa: progrediente tempore

Spiritus Sancti ope in Ecclesiae missione, in Verbo sacramentisque, in homi-

nibus bonae voluntatis, in assistentiae operibus producitur, quae fraterna

cum caritate communitates faciunt, verum Dei vultum eiusque amoris sic

demonstrantes. Gratias Deo refert Synodus de fulgida ac saepe latenti testi-

ficatione tot christianorum - sacerdotum, religiosorum et laicorum - qui

suas manus, suos oculos ac sua corda Christo, vero corporum animarumque

medico, commodarunt et commodare pergunt! Cohortatur porro ut personas

infirmas curare pergant, vivificantem Domini Iesu in Verbo et Eucharistiae

praesentiam eis tradentes. Ad Scripturam legendam iuventur ac simul ad

illud detegendum per ipsam hanc condicionem peculiari modo se participare

posse dolorem Christi redemptorem pro mundi salute (cfr. 2 Cor 4, 8-11.14).347

345 Cfr. Propositio 38. 346 Benedictus XVI, Homilia habita occasione XVII Diei Mundialis aegroti (11 Februarii

2009): Insegnamenti V, 1 (2009), 232. 347 Cfr. Propositio 35.