524 Acta Apostolicae Sedis - Commentarium Officiale

1875. Die 6 mensis Februarii anno 1905 perpetuam celebravit professionem, Caecutiens coactus est relinquere conventum loci Arenys de Mar et aliorsum refugium quaerere. Repressus est die 28 mensis Iulii anno 1936 eodemque die in confinio loci Arenys de Mar occisus.

Fr. Felix a Dertosa (Ioannes Bonavida Dellà) natus est Dertosae, Tarracone, die 2 mensis Aprilis anno 1894. Perpetua professus est vota die 23 mensis Ianuarii anno 1926. In suburbiis loci Santa Maria Palafolls, aperte declarans se pro Christo mortem subire, interfectus est die 1 mensis Augusti anno 1936.

Mors horum Servorum Dei statim post eorum occisionem a plurimis iudi- cata est uti martyrium. Provincia Fratrum Minorum Capuccinorum Cataloniae die 14 mensis Ianuarii anno 1951, iuridicam adhibuit curam ad Causam prove- hendam. Haud levibus peractis studiis ad testimonia et documenta colligenda, die 28 mensis Martii anno 1957 instructus est Processus Informativus, qui tamen anno 1961 est intermissus. Nihilominus anno 1995 Causa resumpta est per dioecesanam Inquisitionem, factam a die 13 mensis Martii anno 1995 ad diem 27 mensis Octobris anno 2001; decretum autem iuridicae validitatis ab hac Congregatione editum est die 17 mensis Ianuarii anno 2003. Confecta Positione, Congressus Peculiaris Consultorum Theologorum die 10 mensis De- cembris anno 2013 habitus est, positivo quidem cum exitu. Patres Cardinales et Episcopi die 19 mensis Maii anno 2015 congregati in Sessione Ordinaria, cui egomet Angelus Card. Amato praefui, edixerunt Servos Dei, sanguinem effudisse ob servatam fidem erga Christum et Ecclesiam.

Facta demum de hisce omnibus rebus Summo Pontifici Francisco per subscriptum Cardinalem Praefectum accurata relatione, Sanctitas Sua, vota Congregationis de Causis Sanctorum excipiens rataque habens, hodierno die declaravit: Constare de martyrio eiusque causa Servorum Dei Friderici a Berga (in saeculo: Marti Tarrés Puigpelat), Sacerdotis Professi Ordinis Fratrum Mi-

norum Capuccinorum, et XXV Sociorum, in casu et ad effectum de quo agitur.

Hoc autem decretum publici iuris fieri et in acta Congregationis de Causis Sanctorum Summus Pontifex referri mandavit.

Datum Romae, die 5 mensis Iunii a. D. 2015.

anGeluS CarD. amato, S.D.B. Praefectus

L. G S.

G marCelluS BartoluCCi Archiep. tit. Mevaniensis, a Secretis