94 EX S. G. CONCILII

nantur, nam illis non est adhibenda fides, nedum ex eo, quod illius auctores, et a quibus audierint non referunt ; sed etiam quia eorum dicta elisa penitus remanent ex te- stibus pro D. Ducissa Nicolea examinatis de spontaneo et libero consensu deponentibus. Praeterea animad ver tebant DD. quod testes percutiunt tempus secundi matrimonii a D. Epi- scopo Fullensi cum dispensatione Apostolica subinde cele- brati ; quapropter impulsiones paternae, si quae antea fue- rant, cum potuerint tractu temporis purgari, in illud non influunt, nec eius nullitatem important, cum in ipsius actu metus non probetur incussus ». Atque idipsum prorsus do- cetur in confirmatoria Decis. 334 n. 12 cit. part. 11 re- cent, et in Camenacen. - Matrimonii - die 29 April. 1854 coram S. C. O. disceptata. Cum enim ageretur de impedi- mento vis et metus, unde impetebatur matrimonium, quod alioquin per duorum mensium tempus non fuerat consum- matum, opportune perpendebatur in Synopsi § At vero: « Etsi de gravi metu ante initum matrimonium constaret, attamen non constat metum in actu celebrationis matrimo- nii perdurasse; ex adductis imo documentis evincitur, mu- lierem libere postea in nuptias consensum praebuisse... Post haec nullo in pretio habendae anteriores, si quas mulier edidisset, protestationes de vi, de metu, ac de sua in ma- trimonium aversione ac repugnantia ; sive quia ambulatoria est hominis voluntas, ac ideo a proposito recedere potest; sive quia Ecclesia non iudicat de internis et occultis, iuxta ea quae in simili casu observat Glossa in cap. Tua nos, de sponsal ». Hinc propositis dubiis : 1. An constet de nul- litate matrimonii in casu; et quatenus negative: 2. An sit consulendum SSmo pro dispensatione a matrimonio rato et non consummato in casu, promeritum datum fuit respon- sum : « Ad 1. Negative; ad 2. Affirmative ».

Oportet demum, ut qui metum incutit, nedum sit po- tens minas exequutioni mandare, verum etiam easdem exe- qui sit solitus; qui autem coactionem. patitur, ad evaden- das minas sit penitus impar. Ita clarissimus Sánchez cit.