92. De s. Ludovico Episcopo.

In 1. Vesperis.

Ad Magnificat.
A. Flos germen florum,

Ludovicus, spretor honorum,
Flos praelatorum

fulget sub fune Minorum.

Ad Matutinum.

Invitatorium.

Regem orbis opificem,
Animarum praelatum,

Laudemus per pontificem,
Caroli regis natum.

In 1. Nocturno.
Antiphonae.

1. Sinceri pueri,

puri, teneri Ludovici
Mens in lege Dei

voluit iugiter meditari.
2. Rex fit perpetuus

in monte Sion Ludovicus,
Qui propter Christum

contempsit nobile regnum.
3. Voce precum clamat

ad eum, qui cuncta creavit,
Ut mundum teneat
ipsum, quem sanguine pavit.

Responsoria.

1. Lux primaeva novo

radiavit lumine saeclo
Praesule transmisso

morum norma Ludovico,
V. Mittitur antistes,

regalis inclita proles,
Lux oculis omnium
per pia gesta micans.
2. Labilis orbis opes

et honores abdicat omnes,
Ad patriam properans,
patris simul foedere flagrans,

V. Nulla caduca petit,

iugiter caelestia quaerit,
Aspera non metuit,
grandia falsa fugit.
3. Scripturae sanctae

tribuens primordia vitae,
Fervidus arcana

studio precibusque subintrat,
V. Sacra legens orat,

documenta salubria mirans,
Raptus suspirat
fletibus ora rigans.

In 2. Nocturno.

1. Mirificavit eum

Dominus, quem plurima sanc-
tum
Sancta probant opera
monstrantque frequentia
signa.
2. Mane Deo vigilans

ligno crucis astitit orans,
Profusis lacrimis

contemplans gesta salutis.

3. Quem pudor et pietas,

humilis quem vita decorat,
Hunc Deus exaltat,

et regis honore coronat.

Responsoria.

1. Pauperibus miserans,

bis matrum viscera praebens,
Obsequitur palpans,

tegens, alimenta ministrans;
V. O magnum pietatis opus,
regalis alumnus
Abluit aegrotis
ulcera foeda nimis.
2. En, post Franciscum

properare vide Ludovicum,
Qui cupit excelsum

reperire per infima Christum,
V. Hic moriens mundo

reperitur vivere Christo,

Cui vivens humilis

cuncta superba premit.
3. Sumere sacratum

missae cupiens sacramentum,
Cor plorat, acta luit,

oculos lavat, abdita pandit;
V. Sumitur esca crucis,

et mens pia tota liquescit,
Dulcia cum lacrimis

inter amara bibit.

In 3. Nocturno.
Antiphonae.

1. Florens excelsum

meruit conscendere caelum
Plantula iustitiae

caelesti iuncta coronae.
2. Hunc nec avarus amor

nec vanus honor potuere
Nec turpis fervor

virtutis ab arce movere.
3. Quae quaerit Dominum,

generat generatio sanctum,
Qui Dominum quaerit,
et quem Dominas benedicit.

Responsoria.

1. Angelicam vitam

Ludovicus duxit et almam,
Mundus ab hoc mundo
procedens hoste subacto,
V. Hic carne caro

carnis sine crimine virgo
Creditur angelicum
promeruisse gradum.
2. Anxia corda iuvans

et morbida corpora curans,
Languida tu sana,

nostris pro finibus ora,
V. Ludovice, preces,

facito gaudere fideles,
Nam tua dona petunt,
qui tua festa colunt.

In Laudibus.
Antiphonae.

1. Omnia, Christe, mea

vel iura vel inclita regna
Victus amore tuo

spontanea mente relinquo.
2. Ad mea dona veni,

Ludovice, perennia caeli,
Qui tua cuncta mihi
tecum pariter tribuisti.
3. Christo, non mundo

Ludovicus pectore mundo,
Paci, non liti

se praebet pectore miti.
4. Te benedico Deum,

quia me devincere mundum
Intacto calle

fecisti, rex benedicte.
5. Laudibus excelsi

mens invigilans Ludovici
Aedibus angelicis

sacris sociatur in hymnis.

Ad Benedictus.

A. Quem Deus extollit

et cuius opem capit orbis,
Eius virtutes

ascribit papa Iohannes.

In 2. Vesperis.
Ad Magnificat.
A. O qui perpetua

gaudes, Ludovice, corona,
Excusans ora

pro nobis mortis in hora.

Alia Antiphona.

Flos regale genus,

humilis mens, munda iuven-
tus,
Pontificale decus,

sacra vita, scientia, virtus
Te, Ludovice, probant,

te nostra rogamina pulsant.