1 8 Novemb r e 2 0 09 - 1 5 : 2 0 p a g i n a 4 3 9 e : / 0 6 9 2 _ 9/L a v o r o/Ac t a _mag g i o _ 9 . 3 d GRECCO

Congregatio de Causis Sanctorum 439

MAIORICEN.

Beatificationis et canonizationis Servae Dei Margaritae Amengual Campaner iu-

venis laicae (1888-1919)

DECRETUM SUPER VIRTUTIBUS

« Adiutor meus es tu, ne me reicias neque derelinquas me, Deus salutis

meae. Quoniam pater meus et mater mea dereliquerunt me, Dominus autem

assumpsit me » (Ps 27, 9-10).

Hisce verbis psalmographus, aegritudine affectus, olim Deum invocave-

rat, ut, dum sese pro vitae aerumnis animo cecidisse demonstrat, intrepidam

in Dominum fiduciam declararet. Et quidem, tot saeculis revolutis, haec

resonant in iis quae Margarita Amengual Campaner in suo animo experta est.

Serva Dei Maioricae ignotis parentibus orta erat: ipsa enim, die 2 mensis

Septembris, anno 1888, multo iam tempore post meridiem, in urbano orpha-

notrophio derelicta inventa est. At eodem die, quo parentes ex carne recusa-

bant eius curam gerere, eadem filia Dei facta est: nam modo nata puella, in

sacrario, apud domum pupillarem, sancto baptismate rite abluta, Margarita

Maria Antonia appellata est.

Paucis post diebus infantula per adoptionem ascita est a coniugibus co-

lonis, in loco Costitx degentibus, qui fuerunt Bartholomaeus Amengual et

Catharina Campaner. Qui, licet pauperes essent et duas filias haberent, ma-

xima pietate compulsi sunt ut humile tectum et magnum animum pateface-

rent; itaque factum est ut parvula Margarita, a nova familia accepta ac

dilecta, in oppido Costitx totam vitam degeret.

Serva Dei infantilem et puerilem aetatem ordinario vitae quotidianae

modo traduxit, simplicibus atque serenis condicionibus ad institutionem,

quamvis non integram, usa, dum operibus domesticis, rusticis, fabrilibus

magis magisque operam dabat. Puella interea crescebat, apertum ingenium

et grave praebens: erat enim in alios comis et benigna, omnibus adiunctis

sincera, ad silendum et latendum inclinata. Cum autem eius conscientia re-

ligioni valde moveretur, ipsa non solummodo flagranti studio orationis, sed

exquisita quoque adversus Deiparam pietate pollebat. Itaque magis magis-

que proficiebat, firmiorem pietatem acquirens, dum in iis, quae sibi ipsa de

intima vita proposuerat, usque haerebat, ac denique eucharistico pabulo re