Acta Benedicti Pp. XVI 775

Dei Verbi nuntius et pauperes

107. Sacra Scriptura Dei praecipuam dilectionem erga pauperes et indi-

gentes ostendit (cfr. Mt 25, 31-46). Patres synodales crebro necessitatem

memoraverunt evangelicum nuntium, pastorum communitatumque munus,

his nostris fratribus converti debere. Reapse « pauperes quidem, non solo

pane, sed verbis vitae indigentes, iure gaudent qui primi omnium Evange-

lium sibi nuntiatum audiant ».348 Caritatis diaconia, quae nostris in Ecclesiis

numquam deficere debet, cum Verbi nuntiatione et sanctorum mysteriorum

celebratione coniuncta semper esse debet.349 Eodem tempore illud oportet

agnoscatur et aestimetur quod ipsi pauperes sunt evangelizationis actores.

In Bibliis verus pauper est ille qui totum se Deo committit et Iesus ipse in

Evangelio beatos vocat eos « quoniam ipsorum est regnum caelorum » (Mt 5, 3;

cfr. Lc 6, 20). Dominus cordis simplicitatem extollit illius qui Deum suas

veras divitias putat, in Eo suam spem ponit, non huius mundi in bonis.

Decipere pauperes non potest Ecclesia: « Pastorum est, tum ut eos audiant

et ab his discant, ut eos in fide conducant et apte cieant, qui suae historiae

artifices exsistant ».350

Ecclesia sibi quoque est conscia quandam esse paupertatem ut virtutem,

colendam quidem libereque eligendam, sicut tot sancti egerunt, atque mise-

riam esse, quae ex iniustitia oritur et nimio sui amore gignitur, quae egesta-

tem famemque parit et contentiones alit. Cum Ecclesia Dei Verbum nuntiat,

novit necesse esse, ut « virtutis circulus » foveatur inter paupertatem eligen-

dam et inter paupertatem profligandam, dum denuo deteguntur « sobrietas et

solidarietas, ut evangelica bona et eodem tempore universalia ... Id iustitiae

electiones ac sobrietatis postulat ».351

Dei Verbum et creati tutela

108. In mundo munus, quod divinum Verbum requirit, nos impellit ut

novis oculis cernamus universum mundum a Deo creatum atque iam in se

Verbi vestigia deferentem, per quod omnia facta sunt (cfr. Io 1, 2). Enimvero

quaedam est responsalitas quam ut credentes et Evangelii praecones etiam

348 Propositio 11. 349 Cfr. Benedictus XVI, Litt. enc. Deus caritas est (25 Decembris 2005), 28: AAS 98 (2006),

236-237. 350 Propositio 11. 351 Benedictus XVI, Homilia (1 Ianuarii 2009): Insegnamenti V, 1 (2009), 5.