Congregatio de Causis Sanctorum 813

Die 8 mensis Decembris anno 1877, sodalis Consociationem Duodecim

Stellarum Sacri Cordis Iesu ingressa est, quae iuvenes mulieres complecteba-

tur operibus caritatis et catechesi tradendae iuxta spiritualitatis expiationis

rationes vacantes. Hac ex consociatione, anno 1879, Reverendus Dominus

Iosephus Diacono, presbyter adiutor, Parvum Opus Magistrarum e Tertio

Ordine Sancti Francisci apud modestam domum civitatis Victoriae super

insulam Gaulum inchoavit.

Die 15 mensis Augusti anno 1881, Virginia admissa quoque est, ut habi-

tum religiosum intra novam illam parvam communitatem indueret. Exinde,

in vitam simplicitatis et humilitatis, Beata Maria Virgine tamquam virtutum

sumpta speculo, omnino concessit. Primis votis religiosis professis, die 15

mensis Augusti anno 1883, officio ministrae a secretis commissa est, in quo

adeo prudentia et indefessa fide praestitit, ut pertinentibus ad surgentem

institutionem aerumnis ipsa subsisteret.

Die 8 mensis Decembris anno 1887, post Constitutiones recognitas, Serva

Dei vota perpetua professa est uti primitiae religiosarum ineuntis Con-

gregationis, nomen sumens Margaritae a Sacro Corde. Fides et fortitudo

praecipuae fuerunt virtutes, quibus ea fulsit, praesertim cum innumeras

propter difficultates atque incommoda Reverendus Dominus Diacono no-

vam exstincturus erat Congregationem: tum Mater Margarita huic consilio

instanter fortiterque adversata est, omnia Operis suscipiens onera divinae

tantum Providentiae confisa. Proinde, modo viginti septem annos nata elec-

ta est Superiorissa Generalis et Congregationi moderandae consuluit, quae

iam e quattuor coniungebatur communitatibus, et in hoc munere exercendo,

brevibus tantum interpositis moris, triginta amplius annos confirmata est.

Serva Dei virtutes suas humanitatis et spiritus quaesiit consummare, ut

egregie Ecclesiae loci necessitatibus responderet, praesertim quoad chris-

tianam iuvenum institutionem ac familiarum morum provectum. Peculiari

studio sacerdotes maxime coluit filialique pietate et obsequio gessit. Intra

Institutum maternitatem suam spiritualem orationi oblationique expiatoriae

Sacro Cordi Iesu innisam effudit et summo cum muneris sui officio filias

paravit, ut ad vineam dominicam, peregrinae et pauperes sicuti verae sancti

Francisci discipulae, mitterentur. Institutum citius crebruit atque Corcyram

Siciliamque et Aethiopiam contigit.