Congregatio de Causis Sanctorum 805

effloruerunt opera, e quibus valetudinarium exstructum Sanctis Camillo et

Aloisio dicatum cum adnexa schola pro obstetricibus infirmorumque mi-

nistris instituendis fuerunt et colonia leprosorum Maritubae plene refecta,

quam ex inferno claustro ad exemplar civitatis ipse evexit et mense Iulii

anno 1980 Summus Pontifex Sanctus Ioannes Paulus II visitavit. Cum Servus

Dei vere Iesum aspiceret in pauperibus, par ei fuit ecclesiam in quoquo loco

passionis constituere, necnon egenis leprosisque ministrare idem ac perse-

verare in iis adorationem Iesu ipsius in tabernaculo. Marcellus cum aegrotis

infirmitate iam provecta laboratis vivere minime verebatur, quibus immo

naturaliter suberat, quapropter leprosi invicem in eo amicum potius quam

benefactorem dispiciebant. Eo mortuo, opera eius in numero quattuordecim

valetudinariorum leprosariorumque et receptaculorum pro infirmis relata

sunt. Testimonium quoque vitae contemplationis illic quaerens, ubi dolor

perquam immineret, in Macapam Sorores Beatae Mariae Virginis de Monte

Carmelo a Sancta Teresia a Iesu advocavit.

Mense Augusti anno 1982, clinicis perscrutationibus peractis, medici

sententiam ei protulerunt tumoris iam provecti. Servus Dei usque ad ulti-

mum labores perrexit et tantum mense Augusti insequentis anni, supremis

admotus, Italiam repetiit et de aërinavium portu Mediolanum advectus est,

ubi die 21 mensis Augusti anno 1983 in Domino quievit.

Ob amplam et firmam sanctitatis famam Causa Beatificationis et Cano-

nizationis apud Curiam Metropolitanam Mediolanensem inita est per cele-

brationem Inquisitionis dioecesanae a die 12 mensis Ianuarii anno 1991 ad

diem 8 mensis Februarii anno 1994, cuius auctoritas et vis iuridica ab hac

Congregatione de Causis Sanctorum die 15 mensis Decembris anno 1995

probatae sunt. Positione confecta, die 8 mensis Martii anno 2013 in Con-

gressu Peculiari Consultorum Theologorum prospero cum exitu disceptatum

est, iuxta consuetudinem, an Servus Dei more heroum virtutes christianas

exercuisset. Patres Cardinales et Episcopi in Sessione Ordinaria diei 17

mensis Iunii anno 2014, cui egomet ipse Angelus Cardinalis Amato praefui,

professi sunt Servum Dei virtutes theologales, cardinales iisque adnexas in

modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in