Acta Congregationum 525

CAMPANIENSIS IN BRASILIA

Beatificationis et Canonizationis Ven. Servi Dei Francisci de Paula Victor Sacerdotis

Dioecesani (1827-1905)

DECRETUM SUPER MIRACULO

Venerabilis Servus Dei Franciscus de Paula Victor die 12 mensis Aprilis

anno 1827 in vico Villa Agri Filiae Regis sub dicione Minarum Generalium in

Brasilia natus est. Nigrae famulae filius, iam inde a pueritia sese in mandata

religiosa exhibuit promptum atque spiritum orationis meditationisque admo-

dum coluit. Licet in adversis societatis adiunctis deguerit, vocationem tamen

ad sacerdotium institit ac, dispensatione ab impedimentis canonicis obtenta,

die 14 mensis Iunii anno 1851 presbyteratu auctus est et ad civitatem Tria

Capita missus, ut officiis parochi vicarii fungeretur. Populus exinde magna

perturbatione primo affectus est, cum sacerdotem nigrum nullomodo suscipere

posset, qui humanitate autem sua illas praeceptiones proterere valuit omnes

et diuturnitate non modo a paroecianis cumulate receptus est, sed protinus

etiam excultus. Animarum curae exstructum adiunxit Collegium Sanctae Fa-

miliae, apud quod munera exercuit magistri, pro indiscreto omnium ad studia

fovendo aditu, quo homines cuiusvis cutis coloris eundem cursum studiorum

et institutionis simul communicarent. Aliud inceptum ab ipso perfectum mag-

num aedificata fuit ecclesia Deo in honorem Beatae Mariae Virginis Dominae

Nostrae ab Auxilio dicata. Spiritualitatis humanitatisque hereditas a Venerabili

Servo Dei prodita mirum ipsum est Trium Capitum et finitimorum patrimo-

nium. Quinquaginta amplius post annis muneri parochi impensis, Franciscus

de Paula Victor die 23 mensis Septembris pie in Domino quievit.

Summus Pontifex Benedictus XVI die 10 mensis Maii anno 2012 eum virtu-

tes theologales, cardinales iisque adnexas in modum heroum coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum assertum subiecit mirum casum conceptionis praegna-

tionisque Venerabilis Servi Dei intercessioni tributum, quod dominae cuidam

Tribus Capitibus occurrit. Haec enim inde a prima adulescentia, perirregularia

ob multiplicatas cystes in ovario experta est menstrua excessumque sangui-

nis tensionis et morbum caducum sedativis suppeditatis remediis remulsum.

Post matrimonium, mense Ianuarii anno 2009, sarcina praegnationis onerata,