90. De sancto Wenceslao.

In 1. Vesperis.

Antipnonae.

1. Adest dies laetitiae,

Quo defensor ecclesiae

Post carnis exsilium

Vehitur ad solium

Militum coelestium

Signis fulgens gloriae.

2. Peremptoris poena

Horroribus plena

Prosecuta coelitus

Promit, quod dux Inclitus

Coeli fruens coena

Mundi fugit gemitus.

3. Gressu redit praepeditus

Martyris suffragio,

Pellitur privatio

Visus et auditus.

4. Carcer nocte claruit

Coelesti fulgore,

Sed et terra tremuit,

Et egressus patuit

Insolito more.

5. Per trimatum hoc humatum

Corpus non corrumpitur,

Sed nec vulnus cernitur

Mire solidatum.

Ad Magnificat.

A. Gaude, felix Bohemia,

De duce laudabili

Attingente coelestia

In via mirabili,

Nam humilis In gloria,

Pauper In divitiis,

Mundi refutans gaudia,

Castus In deliciis

Coronatur hodie

Corona laetitiae

Carnis liber exuviis.

Ad Matutinum.

Invitatorium.

Jubilemus regi caeli,

Qui servo suo fideli

Wenceslao dat hodie

Sertum coelestis gloriae.

In 1. Nocturno.

Antiphonae.

1. Jubar altae claritatis

Lato luxit lumine,

Vir perfectae caritatis,

Wenceslaus nomine.

2. Vivens ab Infantia

In Christi servitio

Servatur In gratia

Fultus evangelio.

3. Dum gentiles vitat ritus

Plenus pudicitiis,

Crebras multis fert attritus

Minas contumeliis.

Eesponsoria.

1. Wenceslaus, dux gratiae,

Virtutum stans In acie

Decoratus victoria,

Cujus finis est gloria

In coelesti militia;

V. Vitans puerilia,

Tendens ad utilia

Mundi calcat geudia.

2. Sacra frequentat limina

Nocte surgens media,

Callis ferens gravamina

Cruentat vestigia,

V. Vir plenus sacro flamine

De pedum suorum sanguine

Cruentat vestigia.

3. Nocte surgens agrum petit,

Cum cliente spicas metit,

Terit, molit et hostias

Coquens dat per ecclesias,

Ut agantur mysteria

Per missarum solemnia.

V. Hic de hortis uvas demit

Et In vase mando premit.

In 2. Nocturno.

Antiplionae.

1. Carnem terens inedia

Procul fit a vitiis

Et sub veste regia

Utitur ciliciis.

2. Signo crucis hostis cedit

Factus duci subditus,

Cujus turba laeta redit

Defensata coelitus.

3. Spiritu prophetico

Vir sanctus florebat,

Dum verbo veridico

Multa praedicebat.

Eesponsoria.

1. Infantes emit gentiles

Servituti genitos

Et eos fecit heriles

Fide Christi praeditos.

V. Sacrae dat se largitati

Servos emens libertati.

2. Crucis cultor progrcditur

Crucis ornatus jubare,

Qui turbis eoeli cingitur

Coelesti plenus nectare;

V. Caesar stupore rapitur,

Furoris nexu solvitur

Throni gaudens compare.

3. Mors Abelis figuravit,

Quod sanctus dux triumphavit

Ictus fratris gladio,

Cujus cruor proclamant

Scelus fratris, dum negavit

Quovis tergi studio ;

V. Frater fratrem nece stravit,

Sed occisum coronavit

Christus mox In gaudio.

In 3. Nocturno.

Antiphonae.

1. Cursu tandem consummato

Miseriarum stadii,

Christi cultu propagato

Sortem subit martyrii.

2. Ad occursum hostium

Sitiens martyrium

Fugit ad ecclesiam,

Quaerens Ibi gratiam.

3. Hinc prostratus In limine

Orans exclamat ad Deum:

In manus tuas, Domine,

Commendo spiritum meum.

Responsoria.

1. Wenceslaus, dux virtutum,

Jam potitus martyrio

In pressuris constitutus

Pio fit praesidio;

V. Hoc a viro pietatis

Ut a rivo largitatis

Grata manans fluxio.

2. Christus regi Daciae

Apparens In cruce

Munus reddit gratiae

Pro tam sancto duce,

Ut quantae sit gloriae,

Notum Illi patriae

Tali fiat luce;

V. Sic pro culparum maculis

Martyris memoriae

Templi fit sub titulis.

3. Castus mente, corpore,

Docens verbis, opere

Venit ad martyrium ;

Quare mortis tempore,

Quod sitit sumopere,

Triplex tollit Impium.

V. Melle fluens, cadens, rubens

Wenceslaus fit praeclarus.

Tropus.

Praeclaris his meritis

Serva nos a vetitis,

Christe, salus omnium,

Prece sancti ducis

Confer nobis lucis

Aeternae solatium ;

Eja, pie Wenceslae,

Te laudantes post te trahe

In coeleste praemium.

Ad Laudes.

Antiphonae.

1. Laude motus matutina

Nocte surgit media,

Quem mox ensis mors vicina

Vehit ad coelestia.

2. Cruor fusus effluit,

Quem ars nulla deluit,

Ut scelus non lateat,

Sed sanctus refulgeat.

3. Ex gestato pignore

Habens adminiculum,

In objecto littore

Locatur vihiculum.

4. Morbidis refugium

Pugil fit beatus

Et vinctis effugium

Praestat Invocatus.

5. Laudant Dominum de caelis

Angelici spiritus

Ad tumbam viri fidelis

Descendentes coelitus.

Ad Benedictus.

A. Hic vir dives In apice

Stans religionis

Potatus est calice

Sanctae passionis;

Jam de vitae poculis

Gustat In solatio

Claris Deum oculis

Videns cum tripudio.

In 2. Vesperis.

Ad Magnificat.

A. O pugil egregie,

O decus militiae,

Weneeslae, dux pie,

Qui virtute crucis Christi

Victor clarus exstitisti,

Sub signo victoriae

Militantis ecclesiae,

Audi preces hodie.