95. De sancto Trophimo.

In 1. Vesperis.

Ad Magnificat.

A. Galliarum principatus
Arelati est collatus

Ob honorem et ornatus
Trophimi apostolatus,
Quem a Christo sublimatus
Vir promeruit beatus,
Cujus precibus placatus

Christus nobis propitiatus
Deleat nostros reatus.

Ad Matutinum.
Invitatorium.

Regem regum Jesum Christum
adoremus Dominum,

Populis qui Galliarum
primum sanctum Trophimum

Praesulem sibique dignum
direxit apostolum.

In 1. Nocturno.
R esponsoria.

1. Post gloriosum
salvatoris nostri
corporeum

ad coelum ascensum
Ab ipsis

Trophimus apostolis
evangelica

ad praedicandum documenta
elegi meruit beatissimus;

V. Quia sacrae fidei idoneus,
prius additus est rudimenta
ac Domini evangelii
praedicare sacramenta.

2. Vir prudens ingenii
Clientum apostoli
Pauli pii didascoli
Ad posse studebat sibi
Nulli secundus fieri ;

V. Semper equidem Trophimus
Bonus et spiritalibus
Intentus erat actibus.

3. Praevidens doctor gentium
Cunctorum prudentissimum
Discipulorum Trophimum,
Praeconis ad officium
Secum sumpsit in socium ;

V. Apostolus dum cerneret
Virtute virum crescere,
Deliberat extollere
Hunc altiore culmine.

In 2. Nocturno.

Responsoria.

1. Cum esset Pauli socius,
Gravissimis languoribus
Coepit urgeri Trophimus
Destituique viribus ;
V. Plus de magistri obsequiis
Moeret ad tempus perditis,
Quam de salute corporis.

2. Paulus enim ac Trophimus
Magister ac discipulus,
Certant piis affectibus,
Gemitibus ac fletibus ;

V. Unus, quod se discipulus
Non potest sequi pedibus,
Alter, quod in doloribus
Remanet ac languoribus.

3. O quantum doctor gentium
A se tristatur socium
Dilectum sibi Trophimum,
Prae ceteris carissimum,
Per vim divelli febrium ;

V. Paulus enim cum febribus
Commendat hunc homimbus,
Qui sunt Mileti, omnibus
In Christum jam credentibus.

In 3. Nocturno.
R esponsoria.

1. Parvo peracto tempore
Magister absens corpore
Pro maximo solamine
Salutat hunc ex nomine,

V. Ne qua forte moestitia
Se Trophimus afficiat,
Per apicum notitiam
Suam intimat gratiam.

2. Trophimus ut convaluit,
Magistro, sicut decuit,
Quo rumor illum prodiit,
Illuc se praescns obtulit,

V. Tellure, ponto discurrit,
Romae docentem invenit.

3. Perfectum Christo famulum
Petrus et Paulus Trophimum
Perficiunt in cathedra
Pontificali gratia,
Quem dirigunt ad Gallias
Et nationes Barbaras,
Qui fidem Christi praedicet
Ecclesiamque fabricet ;

V. Primum quidem Arelato
Praedicavit populo,
Hinc ad plures suos gentes
Dirigit discipulos.

Ad Benedictus.
A. Apostolorum principis
Perfectum ex discipulis,
Directum ab apostolis
Accepto jure praesulis
Apostolum in Galliis,
Nunc Trophimum assiduis
Veneremur obsequiis,
Ut ejus nos suffragiis
Ab omnibus contagiis
Christus mundos cum angelis
Aeternis jungat gaudiis.