Acta Apostolicae Sedis - Commentarium Officiale304

Quae autem signa cum ingravescerent, sequenti die 7 mensis Iulii infans in

hospitium deductus est, ubi medici, clinicis inspectionibus deinceps factis,

diagnosim de « acuto iecinoris discrimine » protulerunt. Die 13 mensis Iulii

idem in valetudinarium Londiniense, morbis iecinoris curandis instructissi-

mum, translatus est; ibique, acuta iecinoris insufficientia agnita, infausta

prognosis edita est, non dumtaxat aegroti aetatis intuitu, sed quia invalidae

evaserant curationes adhibitae. Medici vero etiam advenerunt sanum iecur

transplantari posse; organum autem, quod die 18 mensis Iulii suppeditaba-

tur, parvulo Erico haud aptum habitum est.

Interea, inde a tempore quo infans in Melitensi hospitio degebat, parentes

aliique alibi complures opem divinam coeperant invocare per intercessionem

Beati Georgii Preca, cuius reliquiae aegrotantis abdomini impositae sunt.

Sicque ferventi animo supplicatum est donec infans sanatus est: quod qui-

dem, qualibet medicorum provisione decepta, factum est inter diem 19 et

diem 20 mensis Iulii eodem anno 2001, cum vero, insufficientiae hepaticae

ascitesque indiciis imminutis, recta iecinoris perfunctio melior esse coepit.

Inspectiones igitur, quae deinceps factae sunt, eiusmodi sanationem perfec-

tam stabilemque fuisse probaverunt.

Quo de casu, statim pro miro habito, in Curia Melitensi Inquisitio dioe-

cesana ab anno 2002 ad annum 2004 peracta est; quam quidem Congregatio

de Causis Sanctorum ratam duxit per decretum die 17 mensis Decembris

anno 2004 latum. Deinde Consilium Medicorum, quod apud idem Dicaste-

rium habetur, cum sederet die 23 mensis Februarii anno 2006 agnovit sana-

tionem celerem, perfectam, stabilem fuisse, eandem vero ex arte medica ex-

plicari non posse. Subsequenti die 30 mensis Octobris Theologi Consultores in

Peculiarem convenere Congressum; die autem 9 mensis Ianuarii vertentis

anni 2007 Ordinaria Cardinalium Patrum Episcoporumque Sessio, Exc.mo

Hieronymo Grillo, Centumcellarum-Tarquiniensi emerito Episcopo, Causae

Ponente, gesta est. Et in utroque Coetu, sive Consultorum sive Cardinalium

et Episcoporum, posito dubio an de miraculo divinitus patrato constaret,

responsum affı̀rmativum prolatum est.

Facta demum de hisce omnibus rebus Summo Pontifı̀ci Benedicto XVI

per subscriptum Cardinalem Praefectum accurata relatione, Sanctitas Sua