94 Acta Apostolicæ Sedis - Commentarium Officiale

tres sponte sua armigeris seditiosis sese tradiderunt, ne propinqui eorum

ob iam comminatam mortem quidquid periclitarentur. Mane diei 8 mensis

Augusti e domo ablati, in carcerem Illerdensem adducti sunt, ubi multos

captivos consolabantur ac suscitabant deperditos. Matrem dein suam, quam

salutabant, allocuti sunt: « Vale, mater, et ad nos in coelo revisamus, quo

iamiam commigraturi sumus » et cum aliis septuaginta damnatis mane diei

20 mensis Augusti plumbis transfossi sunt.

Super horum Servorum Dei caedem, quorum fama martyrii clam in

communitatem ecclesialem admodum incessit et persuasio admodum crevit,

ut sancti essent qui vitam suam pro Deo fortiter obtulerunt, apud Curiam

Episcopalem Illerdensem anno 1952 Processus Informativus celebratus est,

cuius auctoritas et vis iuridica a Congregatione de Causis Sanctorum Decreto

diei 31 mensis Ianuarii anno 1992 probatae sunt. Positione confecta, iuxta

suetum morem disceptatum est an Servorum Dei mors martyrium fuis-

set. Die 4 mensis Decembris anno 2010 Congressus Peculiaris Consultorum

Theologorum prospero cum exitu factus est. Patres Cardinales et Episcopi

in Sessione Ordinaria die 7 mensis Maii anno 2013 habita, cui egomet ipse

Angelus Cardinalis Amato praefui, agnoverunt mortem supradictorum Ser-

vorum Dei ob fidelitatem erga Christum et Ecclesiam confessam in odium

fidei martyrium fuisse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eìusque causa Servorum Dei Ioannis a Iesu et III Sociorum, Ordinis

Carmelitarum Discalceatorum, atque Pauli Segalá Solé, Sacerdotis Dioecesani,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Iunii a.D. 2013.

AngeluS CArD. AmAto, S.D.B. Praefectus

L. G S.

G mArCelluS BArtoluCCI Archiep. tit. Mevaniensis, a Secretis