814 Acta Apostolicae Sedis - Commentarium Officiale

Omnibus in adiunctis Mater Margarita auxilium invenit iugis -diurnae

scilicet et nocturnae- orationis, cuius gratia praesentiam Dei admodum

experiebatur. Anima insuper fuit substantialiter eucharistica et omnimodo

enixa est, ut in unaquaque fundatione Sanctissimum Sacramentum adesset

et Sorores ex precatione et eucharistica adoratione sollicitudinem valerent

haurire Deo efferendo atque amando idoneam.

Vertices contemplationis attigit intimarumque rerum caelestium mysti-

carum contemplationum, ardentibus cordis eius sententiis testibus, quibus

socias adhortabatur, dicens: « Amoris fructus est quod saepius flagrari vi-

deor ... O si in oceanum infiniti amoris, aeterni amoris immergerimur illud!

Adusque insaniam eum amemus! ».

Sponsali amori Iesu summa castitate cogitationum et operum consensit.

Dei amantissima, eundem tamquam « amorem aeternum, omnipotentem et

infinitum », « oceanum immensae bonitatis », « abyssum perpetuae mansue-

tudinis », « gremium paternum atque aeternum », « largitorem omnium bono-

rum », « misercordiam divinam et infinitam » intellexit. Pauperculi Assisiensis

illius ingressa vestigiis, laetam et benignam paupertatem conversationis

testimoniique sui et evangelici nuntii tradendi quasi magnam chartam fecit.

Summa fuit dilectio eius erga Summum Pontificem, quem genuina devo-

tione fovit. Die 17 mensis Septembris anno 1921, in Audientia a Benedicto

Papa XV concessa accepta est, ut Decretum Laudis Congregationis excipe-

ret. Die 21 mensis Maii anno 1927, Mater Margarita Domum Christo Regi

dicatam voto potita est in Urbe fundandi.

Mense Aprilis anno 1924, Superiorissae Generalis cessato munere, virtu-

tes conversationis religiosae suae testata est communitatibus Domus Adora-

tionis insula Melitae, Domus in civitate Xaghra insulae Gauli et Novitiatus

in Urbe.

Anno 1940, gravi cordis infirmitate correpta est et reliquam vitam apud

valetudinarii cubiculum Victoriae intra moenia Domus Matris instructum in

parva cella prope cappellam degit. Novissimas dilecti sui Instituti hinc con-

spicere perseveravit, omnibus fidei et fortitudinis praebens testimonium. Deo

propter omnia, quae ipsi concederat, pergrata, spem suam aluit advolandi

ad Dominum, cui mane diei 22 mensis Ianuarii anno 1952 obviam prodiit.

Ob indesinentem eius et in dies progredientem sanctitatis famam, Causa

Beatificationis et Canonizationis apud Curiam Archiepiscopalem Gaudisien-