94. De s. Ludovico Episcopo.

In 1. Vesperis.

Antiphonae.

1. Tecum fuit principium,

Beate Ludovice,

Virtutum Cbristus omnium

Pro meritorum vice.

2. Mira magnificentia

Praefulsit virtuali,

Cuius mansit iustitia

Cum gradu pastorali.

3. Exortum est in tenebris

Praeclarum rectis lumen,

Quod in te Sion latebris

Impressit Christi numen.

4. Sic ex terrenis opibus

Hunc Deus suscitavit

Et cum sui principibus

Populi collocavit.

5. Deum laudet prae ceteris

Urbs eius Tolosana

Pro signo tanti foederis

Laude quotidiana.

Ad Magnificat

A. O felix Marsilia,

portus salutaris,

Ludovicum posside,

cuius illustraris

Signis et prodigiis

velut stella maris,

Ad te currunt proprie

cuncti patientes,

Orant et accipiunt

devote petentes,

Revertuntur prospere

sani congaudentes.

Ad Matutinum.

Invitatorium.

Regem, qui regit omnia,

Chorus laudet sacratus,

Cum quo regnat in gloria

Ludovicus beatus.

In 1. Nocturno.

Antiphonae.

1. Ludovicus aequitalis

Dum sedet in solio,

Caeli madens fluvio

Dedit fructus pietatis..

2. Super Sion praedicavit

Praeceptum dominicum,

Quod Deus ut unicum

Filium sic adoptavit.

3. Voce supplicationis

Clamavit ad Dominum

Et optatum terminum

Sumpsit exauditionis.

Responsoria.

1. Regis summi potentia

De stirpe dedit regia

Beatum Ludovicum,

Qui sumens vitae tramitem

Habet magistrum militem

Sanctitatis amicum,

V. Sanctum florem praeludia

Monstrant, dum tenet limitem

Humilem et pudicum.

2. Dum sub tenello pectore

Virtutis sumpto robore

Portat poenalitatem,

Pro patre vinctus aspere

Manens in arto carcere

Monstrat hilaritatem;

V. Non, inquit, in hoc tempore

Sic prosunt capta prospere

Ut per adversitatem.

3. Ad perfectam scientiam

Cito per assistentiam

Venit fratrum minorum,

Qui post felix exsilium

Floret in lucem gentium

Facundia verborum;

V. Quod per divinam gratiam

Factum infra septennium

Mens credit devotorum.

In 2. Nocturno.

Antiphonae.

1. Post cor sancti dilatatum,

Filii vos hominum,

Scitote per Dominum

Sanctum sic mirificatum.

2. Intrat praesul Dei templum,

Ut adoret timidus

Et amore fervidus

Se dans cunctis in exemplum.

3. Christe, quem diminuisti

Paulo plus quam supera,

Tua super opera

Praesulem constituisti.

Responsoria.

1. Degens in Aragonia

Multiplicat ieiunia

Tractu devotionis,

Per quem concepit spiritum,

Minorum sumat habitum

Sacrae religionis;

V. Oratione praevia

Vovet tale propositum

Et incorruptionis.

2. Mundi contempta specie

Libens regno Siciliae

Suo renuntiavit

Deumque timens iudicem

Pontificatus apicem

Constanter recusavit,

V. Donec nostrae militiae

Fiat, summum pontificem

Ad istud inclinavit.

3. Francisci carus filius

Augens bonum in melius

Peroptat patrizare,

Cibum flexis poplicibus

Quotidie pauperibus

Non cessat ministrare,

V. Sicque praelatus altius

Humilitatis actibus

Non cessat praedicare.

ln 3. Nocturno.

Antiphonae.

1. Ludovicus est ingressus

Caeli tabernacula,

Servans sine macula

Semper vitae suae gressus.

2. Benedicens praevenisti,

Domine, cum praevium

Cordis desiderium

Sancto tuo tribuisti.

3. Longe fit ab omni sorde

Deum generatio

Tanto quaerens studio,

Innocens et mundo corde.

Responsoria.

1. Leproso praebet oscula

Nova regalis plantula,

Cultrix humilitatis,

Dat et prompte subveniens,

Pauperibus compatiens

Minister pietatis,

V. Et mulierum verbula

Velut venenum fugiens

Custos virginitatis.

2. Gradu functus authentico

Imperio papali

Actu viget angelico

Et vita virginali

Verba semper utilia

Loquens, evitat vilia

Voto praecordiali;

V. Subiectas oves dirigit

Ducatu pastorali,

Errantes dure corrigit

Cultro pontificali.

3. Multis vernans miraculis

Vitam concessit mortuis

Surdis praebens auditum,

Et lumen caecis oculis,

Ut credant signis congruis,

Quemvis urget invitum;

V. Nunc residens in arduis

Caelum procura parvulis

Sic per nos concupitum.

In Laudibus.

Antiphonae.

1. Tua nunc testimonia

Nimis in toto mundo

Facta sunt credibilia,

Postquam regnas in patria

Fruens cultu iucundo.

2. Cuncta terrarum spatia

Deo debent servire

Nunc in cordis laetitia

Ac per sancti suffragia

Ad Deum introire.

3. Suscepit tua dextera,

Deus, te sitientem,

Cum sacra levant opera

Et elevant ad supera

Post te sic adhaerentem.

4. Omnes virtutes Domini,

Beatae trinitatis

Benedicite nomini,

Quae Ludovicum agmini

Iunxit aeternitatis.

5. Ab universis populis

Detur laus gaudiosa

Deo devotis modulis

Prece beati praesulis,

Signanter a Tolosa.

Ad Benedictus.

A. O vas omnis gratiae

Et verae scientiae,

Praesul, contentivum,

Da salutis et virtutis

Tu doctrinam

Gentibus divinam,

Quae sit lumen

Ad caeli cacumen

Nostri directivum.

In 2. Vesperis.

Ad Magnificat.

A. Vergente mundi vespere

Lux oritur de sidere

Mirandae claritatis,

Cum larga Christi dextera

Aegris concedit munera

Optatae sanitatis,

Morbos sanat et vulnera,

Ut exaltentur opera

Supernae bonitatis,

Sic praedicat Marsilia

Ludovici magnalia

Voce iucunditatis.

In 1. Vesp. Super Ps. nur 1 A Vergente mundi vespere etc. Ee; statt

dieser haben BFf:

O quam clarus pontifex,

Cui supremus opifex

Ita magna fecit.

Magnum natu,

Magnum vita, signis

Coniuncta cum felice

Fine, Ludovice,

Christus te perfecit.

A 3 in Ff:

Confidit in Domino,

Qui odit iniquitatem

Et diligit aequitatem

Coram omni populo.