Acta Benedicti Pp. XVI 777

quae vicissim homines proprio vinculo devincit, cum inter-humanum socia-

lemque characterem definiat humanae exsistentiae ».354

Dei Verbum saeculorum decursu diversas culturas finxit, cum morum

bona praecipua, magnifica artis opera et eximios vivendi modos efficeret.355

Itaque renovatam inter Biblia et culturas convenientiam prospectantes,

culturae omnibus curatoribus rursus edicere volumus nihil eos timere

debere, aditum Dei Verbo dantes, quod numquam veram culturam delet,

sed continenter ad humanas formas reperiendas concitat, quae sint aptiores

et insigniores. Quaeque vera cultura, quae ad hominem procul dubio attinet,

transcendentiae, postremo Deo, patere debet.

Biblia ut magnus culturarum codex

110. Patres synodales momentum extulerunt inter culturae fautores

congruae cognitioni Bibliorum favendi, etiam in coetibus saecularibus mori-

bus imbutis et inter non credentes; 356 in sacra Scriptura anthropologica et

philosophica bona continentur, quae cunctam humanitatem proficienter

affecerunt.357 Plene restituendus est Bibliorum sensus, ut magnus culturarum

codex.

Bibliorum in scholis et in studiorum universitatibus cognitio

111. Peculiaris ambitus, in quem Dei Verbum et culturae conveniunt,

est schola et studiorum universitas. Singularem operam curent horum ambi-

tuum Pastores, Bibliorum conspicuam cognitionem provehentes, ita ut fru-

giferae etiam hodie culturales implicationes percipiantur. Studiorum sedes, a

catholicis institutis promotae, peculiarem dant operam - quae agnosci debet

- culturae institutionique provehendae. Neglegenda exinde non est religio-

nis disciplina tradenda, adamussim hac de re institutis magistris. Multis in

casibus haec una est discipulis occasio fidei nuntii attingendi. Bonum est per

hanc doctrinam sacrae Scripturae cognitionem promovere, antiqua novaque

praeiudicia amovendo, atque eius veritatis cognitionem proponendo.358

354 Ioannes Paulus II, Allocutio in UNESCO habita (2 Iunii 1980), 6: AAS 72 (1980), 738. 355 Cfr. Propositio 41. 356 Cfr. ibid. 357 Cfr. Ioannes Paulus II, Litt. enc. Fides et ratio (14 Septembris 1998), 80: AAS 91 (1999),

67-68. 358 Cfr. Lineamenta 23.